നിയമസഭയിലെ കശാപ്പുകാര്‍

ഉക്രൈനിലെ കശാപ്പുകാരന്‍ എന്ന് പേരുകേട്ട ക്രൂഷ്ചേവിന്‍െറയും അതേ ക്രൂഷ്ചേവ് രേഖാമൂലം കശാപ്പുകാരനെന്ന് വിളിച്ച സ്റ്റാലിന്‍െറയും ആലപ്പുഴയിലെ പിന്മുറക്കാരനാണ് ജി. സുധാകരന്‍. പൂര്‍വഗാമികളെപ്പോലെ തോക്കും ടാങ്കുമൊന്നും സുധാകരന് നിര്‍ബന്ധമില്ല. എഴുതാനൊരു കടലാസ്. അല്ളെങ്കില്‍ പറയാനൊരു മൈക്ക്. ആരെയും വധിക്കാന്‍ അത്രമതി. ആഗോള കമ്യൂണിസത്തോട് ഐക്യദാര്‍ഢ്യം പ്രകടിപ്പിക്കാനായി സുധാകരന്‍ ഇന്നലെ പറഞ്ഞതത്രയും കശാപ്പുകാരെ പറ്റിയായിരുന്നു. വിഷയം കേരള സര്‍ക്കാര്‍: ‘ഇവര്‍ മനുഷ്യരെയല്ല കൊല്ലുന്നത്. രാഷ്ട്രമീമാംസയെയാണ്. ബുച്ചേഴ്സ് ഓഫ് കോ ഓപറേഷന്‍. ബുച്ചേഴ്സ് ഓഫ് ഡിമോക്രസി. ബുച്ചേഴ്സ് ഓഫ് കൊണ്‍സ്റ്റിറ്റ്യുഷന്‍. ബുച്ചേഴ്സ് ഓഫ് ഈക്വല്‍ ജസ്റ്റിസ്. മന്ത്രിമാരെല്ലാം ബുച്ചേഴ്സ്. ഉമ്മന്‍ചാണ്ടി മേജര്‍ ബുച്ചര്‍.’ ഇത് പുലഭ്യം പറച്ചിലാണെന്ന് പറയാന്‍ കൊടുങ്ങല്ലുര്‍ ഭഗവതിയെ കൂട്ടുപിടിച്ച സി.പി മുഹമ്മദിനെ സഖാക്കള്‍ വട്ടം ചേര്‍ന്ന് കശാപ്പുചെയ്തു. ഇരുഭാഗത്തെയും വമ്പന്‍മാര്‍ ഏറ്റുമുട്ടിയ ഉപധനാഭ്യര്‍ഥന ചര്‍ച്ച അങ്ങനെ കൊലവിളിയും നിലവിളിയും ബഹിഷ്കരണവുമൊക്കെയായി സംഭവബഹുലമായി.
സുധാകരന് തൊട്ടുപിന്നാലെ വന്ന സണ്ണിജോസഫ് കേരള കമ്യൂണിസത്തിന്‍െറ കൊലക്കഥകള്‍ കെട്ടഴിച്ചു. മനുഷ്യനെക്കൊല്ലുന്ന കശാപ്പുകാരാണ് സ്ഥാപിക്കാന്‍ സണ്ണി ജോസഫിന് വിയര്‍ക്കേണ്ടി വന്നില്ല. കെ. ശിവദാസന്‍ നായര്‍ സഹകരണക്കശാപ്പിന്‍െറ കണക്കുപറഞ്ഞു: ‘പിരിയാരം, ചേര്‍ത്തല, എരുകേശി, വനിതാസംഘം...’ സുധാകരനും പാര്‍ട്ടിക്കാരും ചേര്‍ന്ന് കൊന്നുകളഞ്ഞ സഹകരണ കുഞ്ഞുങ്ങളുടെ പട്ടിക. പിന്നെ ആര്‍ ബ്ളോക്കിലെ ഭൂമി തട്ടിയവരുടെ കണക്ക്. ഇതൊക്കെ പറയുന്നതിനിടയിലും സി.എന്‍ ബാലകൃഷ്ണനെയാണ് ‘ബുച്ചറെ’ന്ന് വിളിച്ചത് എന്ന് നൂറ്റൊന്നാവര്‍ത്തിച്ച് സ്ഥാപിച്ചു. ആര്‍ ബ്ളോക്ക് ഭൂമി തിരിച്ചുപിടിക്കണമെന്ന് ആവശ്യപ്പെട്ട് സുധാകരന്‍െറ പിന്തുണയും ഉറപ്പാക്കി. കിട്ടിയ അവസരം ഉപയോഗിച്ച് സ്വന്തം പാര്‍ട്ടിക്കാരെ കശാപ്പുചെയ്യുന്നതില്‍ സുധാകരനും ശിവദാസന്‍ നായരും ഒരുപോലെ മികവുകാട്ടി.
സമീപകാലത്ത് വാര്‍ത്തയായ മുഴുവന്‍ വിഷയങ്ങളും പരാമര്‍ശിച്ച് ചര്‍ച്ച തുടങ്ങിയ കോടിയേരി ബാലകൃഷ്ണന്‍ ചെന്നത്തെിയത് തലസ്ഥാന നഗരത്തെ വിറപ്പിക്കുന്ന ബ്ളാക് മാന്‍ കഥയില്‍. നാട്ടുകാരുടെ സ്വസ്ഥ ജീവിതം  തകര്‍ത്ത ആഭ്യന്തര മന്ത്രിയാണ് ഈ ‘കറുത്ത മനുഷ്യനെ’ന്ന് എളമരം കരീമിന് സംശയമുണ്ട്. പ്രതിപക്ഷ നിരയുടെ മുന്നിലിരിക്കുന്നയാളാണ് ‘കറുത്ത മനുഷ്യനെ’ന്നും അയാളെ മറിച്ചിടാന്‍ തൊട്ടടുത്തിരിക്കുന്ന വെളുത്ത മനുഷ്യന്‍ ശ്രമിക്കുന്നുണ്ടെന്നും കെ.എന്‍.എ ഖാദറും. ദലിതുകളെ വേട്ടയാടാനുള്ള കുതന്ത്രമാണ് ബ്ളാക്മാന്‍ കെട്ടുകഥയെന്ന് സമര്‍ഥിച്ച പി.സി ജോര്‍ജ് സ്വത്വ രാഷ്ട്രീയത്തില്‍ എത്തി: ‘പട്ടിക വര്‍ഗക്കാര്‍ക്ക് വേണ്ടി പ്രത്യേക തൊഴുത്തുണ്ടാക്കുകയാണ് സി.പി.എം. പട്ടികജാതിക്കാരെ സംഘടിപ്പിക്കാന്‍ സി.പി.എം നടക്കുമ്പോള്‍ ഡി.വൈ.എഫ്.ഐ ജാതി രഹിത സമരം നടത്തുന്നു.’ സി.പി.എം സൈദ്ധാന്തികരൊന്നും ഇതിന് മറുടി പറഞ്ഞില്ല്ള. പക്ഷെ വര്‍ഗരാഷ്ട്രീയത്തില്‍ നവാഗതനായ കെ.ടി ജലീലിന് അത് സഹിച്ചില്ല: ‘വ്യക്തിനിഷ്ടമായ മതവും ജാതിയുമെല്ലാം യു.ഡി.എഫ് പൊതു വിഷയമാക്കുന്നു. ഭരിക്കുന്നവരുടെയും ജനങ്ങളുടെയും ഉദ്യോഗസ്ഥരുടെയുമെല്ലാം ജാതിയാണ് ചര്‍ച്ചയാക്കുന്നത്.’
സി.പി.എമ്മിലെ അച്ചടക്കമായിരുന്നു കെ. മുരളീധരന്‍െറ വിഷയം: ‘കൂടംകുളത്ത് പോകരുതെന്ന് കാരാട്ട് പറഞ്ഞത് അനുസരിക്കാത്ത അച്യുതാനന്ദന്‍, ‘അയ്യാ തിരുമ്പിപ്പോ...’യെന്ന് നാഗര്‍കോവില്‍ ഡി.വൈ.എസ്.പി പറഞ്ഞപ്പോള്‍ മടങ്ങിപ്പോന്നു.’ മുരളീധരന്‍െറ ഈ ആത്മവിശ്വാസത്തിന്‍െറ രഹസ്യം എളമരം കരീം വെളിപ്പെടുത്തി: ‘അനാഥരെ ദത്തെടുക്കുന്ന പദ്ധതിയില്‍ ഒന്നും നടന്നില്ല. ഒരുഗതിയുമില്ലാതെ അലഞ്ഞുതിരിഞ്ഞിരുന്ന മുരളീധരനെ ദത്തെടുത്തതാണ് ഏക നേട്ടം.’ കൊച്ചിയില്‍ നഗ്നനായി ഓടിയ യുവാവിന്‍െറ രഹസ്യം വി.എസ് സുനില്‍കുമാറും വെളിപ്പെടുത്തി: ‘കെ.എസ്.യു യൂണിറ്റ് യോഗത്തില്‍ നിന്ന് ഇറങ്ങിയോടിയ വിദ്യാര്‍ഥിയാണ്. അതിനാല്‍ നടപടിയെടുക്കാന്‍ പറ്റാതായി.’ പാമ്പാടിക്കും പുതുപ്പള്ളിക്കും വേണ്ടി 121 പോസ്റ്റ് അനുവദിച്ചത് കണ്ട് മാത്യു ടി തോമസ് രോഷാകുലനായി. വാള്‍മാര്‍ട്ട്, കെ.എഫ്.സി, ടോള്‍ ബൂത്ത് തുടങ്ങി സകലതും ചൈനയിലെമ്പാടും കാണാന്‍ കഴിഞ്ഞതിന്‍െറ സന്തോഷത്തിലാണ് അബ്ദുറഹ്മാന്‍ രണ്ടത്താണി.  സി.പി.എം പറയുംപോലുള്ള മാക്സിസം മാത്രം അവിടെ കണ്ടില്ലത്രെ. ചൈനീസ് മോഡലിന്‍െറ ചെറിയൊരു പകര്‍പ്പ് കാണാനായതില്‍ പി.സി വിഷ്ണുനാഥിനുമുണ്ട് സന്തോഷം: ‘റിലയന്‍സിന്‍െറ 43 ഒൗട്ട്ലറ്റുകള്‍ കേരളത്തില്‍ വന്നതെങ്ങനെയെന്ന് കുത്തക വിരുദ്ധ സമരസഖാക്കള്‍ ജനങ്ങളോട് പറയണം.’
രാഷ്ട്രീയ കശാപ്പുകളുടെ വര്‍ത്തമാന കാല ചരിത്രത്തിലെ ചര്‍ച്ച തീര്‍ന്നത് കോണ്‍ഗ്രസ് നേതാവ് കെ.സുധാകരനിലായത് സ്വാഭാവികം. എം.എം മണിക്ക് കിട്ടിയതിന് തത്തുല്ല്യമായ നീതി സുധാകരന് ലഭ്യമാക്കാനായി കമ്യൂണിസ്റ്റുകാര്‍ അവസാന മിനിറ്റില്‍ സഭ ബഹിഷ്കരിച്ചു. എന്നിട്ടും തിരുവഞ്ചൂര്‍ രാധാകൃഷ്ണന്‍ അടങ്ങിയില്ല: ‘ഭരണം മാറിയാല്‍ തട്ടിക്കളയും എന്നൊക്കെ എളമരം കരീമും മറ്റും ഭീഷണിപ്പെടുത്തുന്നത് കേട്ടു. നിങ്ങള്‍ക്ക് വേണമെങ്കില്‍ എന്‍െറ കൈയ്യും കാലും വെട്ടിക്കളയാം. തൂക്കിക്കൊല്ലാം. എന്നാലും ടി.പി വധക്കേസ് നടപടികളില്‍ നിന്ന് ഒരടി പിന്നോട്ട് പോകുന്ന പ്രശ്നമില്ല.’ റയോണ്‍സില്‍ നിന്ന് കശാപ്പുകളി പഠിച്ചയാളാണ് കരീമെന്ന് തിരുവഞ്ചൂര്‍ ഓര്‍ത്താല്‍ നന്ന്.

(18...12...12)

നാക്കുകൊണ്ട് ഇരുട്ടുണ്ടാക്കുന്നവര്‍

മനുഷ്യ അവയവങ്ങളെല്ലാം രണ്ടെണ്ണം വീതമാണ് ശരീരത്തിലുള്ളതെന്ന ശാസ്ത്രീയ വിഞ്ജാനം പങ്കുവച്ചത് സ്വകാര്യ ബില്‍ അവതരിപ്പിച്ച ബെന്നി ബഹനാന്‍ ആയിരുന്നു. രണ്ട് കൈ, രണ്ട് കാല്‍, കണ്ണ്, ചെവി അങ്ങിനെ ഉദാഹരണങ്ങളും. നാവിന്‍െറ കാര്യം പ്രത്യേകം പറഞ്ഞില്ളെങ്കിലും പ്രസംഗം കേട്ടാലറിയാം, അത് രണ്ടില്‍ ഒതുങ്ങില്ളെന്ന്. അക്കാര്യത്തില്‍ ബെന്നി ഒറ്റക്കുമല്ല. അടിയന്തിര പ്രമേയം അനുമതി തേടിയ എ.കെ ബാലന്‍, അതിന് മറുപടി പറഞ്ഞ ആര്യാടന്‍ മുഹമ്മദ്, മുഖ്യമന്ത്രി ഉമ്മന്‍ചാണ്ടി തുടങ്ങിയവരെല്ലാം കൂട്ടുണ്ട്. പവര്‍കട്ട് ആര്യാടന്‍െറ കെടുകാര്യസ്ഥതയാണെന്ന് ബാലന്‍ സമര്‍ഥിച്ചു. ബാലനേക്കാള്‍ മികച്ചതാണ് ഈ കെടുകാര്യസ്ഥതയെന്ന് ആര്യാടനും. രണ്ടുപേരും പറഞ്ഞുകഴിഞ്ഞപ്പോള്‍ കോടിയേരിയുടെ വക ഉപസംഹാരം: ‘കണക്കുകള്‍ കൊണ്ട് കസര്‍ത്തുകാട്ടി മനുഷ്യനെ ഇരുട്ടിലാക്കാന്‍ സമര്‍ഥനാണ് വൈദ്യുത മന്ത്രി.’ നാക്കുകൊണ്ട് ഇരുട്ടുണ്ടാക്കി അതുകൊണ്ട് ഓട്ടയടക്കുന്നതെങ്ങനെയെന്നാണ് ഈ ചര്‍ച്ചകളില്‍ വ്യക്തമായത്.
വൈദ്യുതി വില വര്‍ധനക്കെതിരെ ബാലന്‍ നടത്തിയ പ്രസംഗം സര്‍ക്കാറിന്‍െറ പരാജയപ്പെട്ട പവര്‍ മാനേജ്മെന്‍റിലേക്കാണ് വിരല്‍ ചൂണ്ടിയത്. എല്ലാത്തിനും തെളിവ് വൈദ്യുതി റഗുലേറ്ററി കമീഷന്‍െറ രേഖകള്‍ തന്നെ: ‘പ്രതിസന്ധിയുണ്ടാക്കിയത് ആസൂത്രണമില്ലായ്മയാണ്. ബോര്‍ഡ് ഈ അവസ്ഥ ഗൗരവമായി കണ്ടില്ല. ഇതിനേക്കാള്‍ കുറഞ്ഞ നീരൊഴുക്കായിരുന്ന വര്‍ഷങ്ങളില്‍പോലും പവര്‍കട്ടുണ്ടായിട്ടില്ല...’ ഇത്തരം വിമര്‍ശങ്ങള്‍ സംശയലേശമന്യേ നിരത്തിയപ്പോള്‍ ആര്യാടന്‍ രാജിവക്കേണ്ടി വരുമെന്ന് വരെ തോന്നിപ്പോയി. മറുപടി പറഞ്ഞ ആര്യാടനും പറയാനുണ്ടായിരുന്നത് കണക്കുകള്‍ തന്നെ. ആ കണക്കുകള്‍ കേട്ടപ്പോള്‍ ബാലന്‍ പറഞ്ഞതെല്ലാം പൊളിയായിരുന്നുവെന്ന സംശയമായി. എന്നിട്ടും ആര്യാടന്‍ അത് പറഞ്ഞില്ല. പകരം പറഞ്ഞതാകട്ടെ: ‘ബാലന്‍ മികച്ച മന്ത്രിയായിരുന്നു. ചിലതൊക്കെ ചെയ്തിട്ടുണ്ട്. പലതും പരാജയപ്പെട്ടെങ്കിലും നല്ല മന്ത്രി തന്നെയായിരുന്നു.’ തര്‍ക്കം തീര്‍ന്നിട്ടും അധികം വൈദ്യുതി വന്നില്ല. വിലയൊട്ട് കുറഞ്ഞുമില്ല. പവര്‍കട്ടില്‍ മാറ്റവുമില്ല. എന്നാലും മന്ത്രിക്ക് എല്ലാം പരിഹരിച്ച മട്ടും ഭാവവുമായിരുന്നു. ബാലനെ തോല്‍പിച്ചതില്‍ ബഹുസന്തോഷവും. അതാണ് നാക്കിന്‍െറ ഗുണം. ആ വൈഭവത്തില്‍ ഒട്ടും പിന്നിലല്ലാത്തതിനാല്‍ പ്രതിപക്ഷത്തിന്  ഇറങ്ങിപ്പോകാനുമായി.
സ്വകാര്യ ബില്ലുകളുടെ കാര്യത്തില്‍ സഭയിത്തവണ സമൃദ്ധമാണ്. ചര്‍ച്ചകള്‍ക്ക് ശേഷം ചത്തുവീഴാനാണ് വിധിയെന്ന് ഉറപ്പുണ്ടെങ്കിലും അംഗങ്ങള്‍ ഇക്കാര്യത്തില്‍ വലിയ ആവേശത്തിലാണ്. ഇന്നലെ സഭയിലത്തെിയത് 14 എണ്ണം. മുന്‍ ബാക്കി മൂന്നും. ഇവക്ക് ആകെ കിട്ടിയതാകട്ടെ 30 മിനിട്ട്. സംസാര വൈദഗ്ദ്യവും വിഷയ വൈപുല്യവും കാരണം ശൂന്യവേള തീര്‍ന്നപ്പോള്‍ അത്രയേ ബാക്കിയുണ്ടായുള്ളൂ. എന്നിട്ടും ചര്‍ച്ചകള്‍ക്ക് കുറവുണ്ടായില്ല. അഞ്ചെണ്ണം പരിഗണിക്കുകയും ചെയ്തു. രണ്ടെണ്ണം വീതം പി. ശ്രീരാമകൃഷ്ണനും ബെന്നി ബഹനാനും. ഒന്ന് ഹൈബി ഈഡനും. ബില്ലുകളുടെ വിഷയ വൈവിധ്യം സ്പീക്കര്‍ ആഹ്ളാദ ചിത്തനായി: ‘രാഷ്ട്രീയം വിട്ട് അംഗങ്ങള്‍ ജനങ്ങളുടെ നിത്യ ജീവിത പ്രശ്നങ്ങളില്‍ ഇടപെടാന്‍ തുടങ്ങിയത് സന്തോഷകരമാണ്.’ അനര്‍ഹരായ ബി.പി.എല്ലുകാര്‍ക്കെതിരെ നടപടി നിര്‍ദേശിക്കുന്ന ഹൈബി ഈഡന്‍െറ ബില്ലിലെ നിര്‍ദേശങ്ങള്‍ ഇത് സംബന്ധിച്ച് സര്‍ക്കാര്‍ കൊണ്ടുവരുന്ന നിയമത്തില്‍ ഉള്‍പെടുത്താമെന്ന് മുഖ്യമന്ത്രി പ്രഖ്യാപിക്കുകയും ചെയ്തു. കാര്‍ത്തികേയന്‍െറ സന്തോഷം അവിടെയും തീര്‍ന്നില്ല: ‘വെള്ളിയാഴ്ചയായിട്ടും മികച്ച ഹാജര്‍ നില അവസാനം വരെയുണ്ടായി. അതിന് അംഗങ്ങളെ അഭിനന്ദിക്കുന്നു.’
അവയവദാന ലൈസന്‍സിംഗ് ബോര്‍ഡ് ബില്‍ മുന്നോട്ടുവച്ച ബെന്നി ബഹനാന്‍ കൊച്ചൗസേഫ് ചിറ്റിലപ്പള്ളിയുടെയും ഫാ. ഡേവിസ് ചിറമ്മേലിന്‍െറയും ത്യാഗ സന്നദ്ധതയെ പ്രകീര്‍ത്തിക്കുമ്പോഴാണ് പി.സി ജോര്‍ജിന് പ്രസക്തമായ നിര്‍ദേശം വച്ചത്: ‘അവരൊക്കെ വൃക്ക ദാനം ചെയ്തിട്ടാണ് പ്രചാരണത്തിന് ഇറങ്ങിയിരിക്കുന്നത്. എം.എല്‍.എമാര്‍ക്കും സമ്മത പത്രം നല്‍കി മാതൃക കാട്ടിക്കൂടെ?’ ബെന്നിയുടെ വാചകമടി കേട്ടാല്‍ ആരും ചോദിച്ചുപോകുന്ന സാദാ ചോദ്യം. ശരീരത്തില്‍ തൊട്ടുള്ള വിപ്ളവത്തിനൊന്നും ബെന്നി ബഹനാനെ കിട്ടില്ല. അതിനാല്‍ ജോര്‍ജിന്‍െറ ചോദ്യം ആവിയായി. പകരം ഞ്ഞത് ‘ചീഫ് വിപ് തന്നെ മാതൃക കാട്ടണ’മെന്ന്. എല്ലാം കൊടുക്കാമെന്ന് പി.സി ജോര്‍ജും. കൊള്ളാവുന്ന ഏതവയവമുണ്ടെന്ന് പരിശോധിക്കണമെന്നായി ബെന്നി ബഹനാന്‍. ജോര്‍ജിന്‍െറ നാവ് കൊടുക്കാമെന്ന് അശിരീരിയുണ്ടായി. നിയമപ്രകാരം അതുപറ്റില്ളെന്ന് ബെന്നി ബഹനാന്‍ വെളിപ്പെടുത്തിയതോടെ ആ പ്രതീക്ഷയറ്റു. അല്ളെങ്കില്‍ ബെന്നിക്ക് തന്നെ നാലഞ്ചെണ്ണം ദാനം ചെയ്യാന്‍ കഴിഞ്ഞേനേ.
ഫിസിയോതെറാപ്പി കൗണ്‍സില്‍ രൂപവല്‍കരിക്കണമെന്ന പി. ശ്രീരാമകൃഷ്ണന്‍െറ ബില്ലിലും ചര്‍ച്ച പൊടിപൊടിച്ചു. പി.സി ജോര്‍ജ്, ജമീല പ്രകാശം, എന്‍. ജയരാജ്, എ.പ്രദീപ്കുമാര്‍ തുടങ്ങിയവര്‍ക്ക് അവസരം കിട്ടി. സമയക്കുറവുകൊണ്ട് മാത്രമാണ് മഹാഭൂരിഭാഗവും എഴുന്നേല്‍ക്കാതിരുന്നത്. അല്ളെങ്കില്‍ ഓടിയും ചാടിയും തിരുമ്മിയും നടത്തുന്ന ചികില്‍സയില്‍ അഭിപ്രായം പറയാതിരിക്കാന്‍ അവര്‍ക്കാകുമോ?

(14...12...12)

ഗാന്ധിയന്‍ മാതൃകാ ജീവിതങ്ങള്‍

അഹിംസാ സിദ്ധാന്ത പ്രകാരം നാവ് മാരകായുധമായി പ്രഖ്യാപിക്കാത്തതിനാല്‍ സഭയില്‍ സര്‍വരും ഗാന്ധിയന്‍മാരാണ്. അടിയന്തിര പ്രമേയം പോലും തികച്ചും ശാന്തമായും സമാധാനപരമായും കടന്നുപോയപ്പോള്‍ തന്നെ പാര്‍ലമെന്‍ററി ജനാധിപത്യത്തിലെ ഗാന്ധിയന്‍ മാതൃകകളുടെ ശുഭ സൂചനകള്‍ ലഭച്ചുതുടങ്ങിയിരുന്നു. വളരെ സൗമ്യനായ പി.കെ ഗുരുദാസന്‍െറ പ്രമേയത്തിന് അത്ര തന്നെ സൗമ്യതയോടെ മുഖ്യമന്ത്രിയുടെ മറുപടി. കടുത്ത പരിഹാസങ്ങളെ ഹാസ്യം ചേര്‍ത്ത് നേര്‍പിച്ച് വി.എസ് അച്യുതാനന്ദന്‍െറ സംയമനം. ഇറങ്ങിപ്പോകുക പോലും ചെയ്യാതെ പ്രതിപക്ഷ സഹകരണം. ബില്‍ ചര്‍ച്ചയാകട്ടെ മദ്യവിരുദ്ധ ഗാന്ധിയന്‍ സമരമുറ പോലെ ആര്‍ക്കുമൊരു അലോസരവുമുണ്ടാക്കാതെ ഒരുവഴിക്ക്. അതിനിടല്‍ തികച്ചും അവിചാരിതമായി സഭയിന്നലെ ഏതാനും ഗാന്ധിയന്‍ മാതൃകാ ജീവിതങ്ങളെ പരിചയപ്പെട്ടു.
അിടയന്തിര പ്രമേയത്തിന് പലവിഷയങ്ങള്‍ അനുവദിക്കുക പതിവില്ളെന്ന് ഓര്‍മിപ്പിച്ച് മേലില്‍ ആവര്‍ത്തിക്കരുതെന്ന്  സ്പീക്കര്‍ ജി. കാര്‍ത്തികേയന്‍ സൗമനസ്യം കാട്ടി. പരത്തിപ്പറഞ്ഞ് കേട്ടിരുന്നവരെ കിടത്തിക്കളഞ്ഞ ഗുരുദാസന് അതേ മട്ടില്‍ മുഖ്യമന്ത്രിയുടെ മറുപടി. ഉറക്കം കളയേണ്ടെന്ന് കരുതിയാകണം പ്രതിപക്ഷം ഇറങ്ങിപ്പോക്കൊഴിവാക്കിയത്. വാള്‍മാര്‍ട്ടിന്‍െറ 125 കോടിയില്‍ കേരള എം.പിമാര്‍ക്ക് വിഹിതം കിട്ടിയോയെന്ന് ചോദിച്ച വി.എസ് ഉടന്‍ തന്നെ അത് പിന്‍വലിച്ച് മര്യാദക്കാരനായി. രാഷ്ട്രപതി തിരച്ചയച്ച ബില്‍ പിന്‍വലിക്കുന്നതില്‍ എതിര്‍പ്പുകാട്ടിയ എ.കെ ബാലന്‍ പോലും അസാധാരണമായ സംയമനം പാലിച്ചു. രാവിലെ ചോദ്യത്തില്‍ ചട്ടം തെറ്റിച്ചതിനും അത് ചോദ്യം ചെയ്ത എ.കെ ശശീന്ദ്രനോട് ക്ഷോഭിച്ചതിനും ഖേദം പ്രകടിപ്പിച്ച് സ്പീക്കറും. ആധാരമെഴുത്തുകാരുടെ ക്ഷേമനിധി ബില്‍ ചര്‍ച്ചയാകട്ടെ ഈ മാതൃകകള്‍ പൂര്‍ണമായി ശരിവച്ചു. കുത്തും കോമയുമില്ലാത്ത ആധാര ഭാഷ പോലെ പ്രഭാഷണങ്ങള്‍ നീണ്ടെങ്കിലും എല്ലാം ശാന്തം. അപ്പനപ്പൂപ്പന്‍മാരുടെ കുടുംബ വിവരങ്ങള്‍ സഹിതം നീണ്ട വരികളില്‍ ദേശ ചരിത്രമെഴുതുന്നത് ഒരു കലയാണെന്ന് സമര്‍ഥിച്ച കെ. രാജു, വിരസതയുടെ കലാമൂല്യം വ്യക്തമാക്കി.
ഉണര്‍ന്നിരുന്നവരെ ഉറക്കിയും ഉറങ്ങിയവര്‍ക്ക് ഗാഢ നിദ്രയൊരുക്കിയും ചര്‍ച്ച മുന്നേറുന്നതിനിടെയാണ് കെ.എന്‍.എ ഖാദര്‍ ലോകത്തുണ്ടായ മാറ്റങ്ങളെ പറ്റി പറഞ്ഞത്. അതോടെയാണ് യഥാര്‍ഥ ഗാന്ധിയന്‍മാര്‍ വെളിപ്പെട്ടത്. ‘1987ല്‍ ഞാന്‍ കമ്യൂണിസ്റ്റ് പാര്‍ട്ടി വിട്ടു. എന്‍െറ പിന്നാലെ യു.എസ്.എസ്.ആര്‍ കമ്യൂണിസം വിട്ടു. അതിന്‍െറ പിന്നാലെ കിഴക്കന്‍ യൂറോപ്യന്‍ രാജ്യങ്ങളും. കാലം ഒരുപാട് മാറി. ഗാന്ധിജിയുടെ രാമരാജ്യവും നെഹ്റുവിന്‍െറ സോഷ്യലിസവും ഇന്ദിരയുടെ ക്ഷേമരാഷ്ട്രവും പണ്ട് പറഞ്ഞതുപോലെ ഇനി നടക്കില്ല.’ ഖാദര്‍ ഇത്രയുമത്തെിയപ്പോള്‍ സി.കെ നാണു ഓടിവന്നു: ‘നിങ്ങള്‍ ആരെയും തള്ളിപ്പറഞ്ഞോളൂ. പക്ഷെ ഗാന്ധിജിയെ വേണ്ട. ലോകം മുഴുവന്‍ ഗാന്ധിയിലേക്ക് തിരിച്ചുപോകുകയാണ്. ഗാന്ധിജി പഴയതാണെന്ന് പറയരുത്.’ അതോടെ കെ.എന്‍.എ ഖാദര്‍ സ്വന്തം ഗാന്ധി സ്നേഹത്തെപ്പറ്റി വാചാലനായി: ‘ഞാന്‍ ഗാന്ധിജിയുടെ പുസ്തകങ്ങള്‍ എല്ലാം വായിച്ചിട്ടുണ്ട്. എല്ലാ വെള്ളിയാഴ്ചയും റേഡിയോയില്‍ ഗാന്ധിമാര്‍ഗം കേള്‍ക്കുന്നുണ്ട്. തല്ലുകൊണ്ടാലും ഗാന്ധിയെ ആക്ഷേപിക്കില്ല.’ ഗാന്ധിയെക്കുറിച്ചെഴുതിയ കവിതകളും ലേഖനങ്ങളും പുസ്തകങ്ങളും അകമ്പടിയായി സേവിച്ചതോടെ സ്പീക്കര്‍ വരെ ഞെട്ടി: ‘നാണു പോലും ഇത്രയും പ്രതീക്ഷിച്ചിട്ടില്ല. ഇപ്പോള്‍ എല്ലാവര്‍ക്കും മനസ്സിലായി.’
മുന്‍ മാക്സിസ്റ്റുകാരന്‍ മുസ്ലിംലീഗ് വഴി ഗാന്ധിയനായി മാറിയതുകണ്ട് സകലരും വിസ്മയ ഭരിതരായി. സാജുപോളിനാകട്ടെ രോഷം അണപൊട്ടി: ‘സാത്വികനായ എന്‍.ഇ ബലറാം ചെവിക്കുറ്റിക്കടിച്ചിട്ട് നന്നാകാത്തയാള്‍ ഞാന്‍ പറഞ്ഞാല്‍ നന്നാകുമോ? ഗാന്ധിജിയുടെ കൗപീനം കഴുകിയ വെള്ളം കുടിക്കാന്‍ യോഗ്യതയില്ലാത്തോനാണ് രാമരാജ്യത്തെ പറ്റി പറയുന്നത്.’ ഈ രോഷത്തിന്‍െറ രഹസ്യം സാജു തന്നെ വെളിപ്പെടുത്തി: ‘കഴിഞ്ഞ ദിവസം സംസാരിക്കാന്‍ സമയം ചോദിച്ചപ്പോള്‍ വഴങ്ങിയില്ല. അലവലാതി മനസ്സുമായി നടക്കുന്ന ഒരാള്‍ വഴങ്ങിയില്ളെങ്കില്‍ എനിക്കൊന്നുമില്ല.’ അപ്പോഴേക്കും സഭ ഉറക്കമുണര്‍ന്നിരുന്നു. പറഞ്ഞതെല്ലാം പിന്‍വലിക്കണമെന്നായി ഭരണപക്ഷം. പ്രസംഗം തന്നെ നീക്കണമെന്ന് പി.സി വിഷ്ണുനാഥും. പ്രതിഷേധം ശക്തമായപ്പോള്‍ ‘അലവലാതി’ പിന്‍വലിച്ചു. ‘കൗപീനം കഴുകിയ വെള്ള’ത്തിന് പകരം ‘ചെരിപ്പിന്‍െറ വാര്‍ അഴിക്കാന്‍’ എന്ന് തിരുത്തി. അപ്പോഴാണ് സാജുവിന്‍െറ ഗാന്ധിയന്‍ ചരിത്രം സി.പി മുഹമ്മദ് ഓര്‍ത്തത്: ‘കാമധേനുവിന്‍െറ വയറ്റില്‍ കഴുത പിറന്നതുപോലെ കോണ്‍ഗ്രസ് നേതാവിന്‍െറ മകനായി ജനിച്ച കമ്യൂണിസ്റ്റുകാരനാണ് സാജു.’ പറഞ്ഞത് സാജുപോളിനെപ്പറ്റി ആയതിനാലാകണം അത് തിരുത്തണമെന്ന് സഖാക്കള്‍ പോലും ആവശ്യപ്പെട്ടില്ല. കാട്ടാന മേഞ്ഞ വാഴത്തോട്ടം പോലെയായിരുന്നു ഗാന്ധിയന്‍ സാജുവിന്‍െറ പരാക്രമങ്ങളെന്ന് എം. ഉമ്മര്‍ സങ്കടപ്പെട്ടു. എല്ലാം കഴിഞ്ഞപ്പോള്‍ ജോസ് തെറ്റയിലിന് അത്യന്തം ഗൗരവതരമായ ഒരു സംശയമുണ്ടായി: ‘സര്‍, കൗപീനം അണ്‍ പാര്‍ലമെന്‍ററിയാണോ?’
പ്രതിപക്ഷത്തുനിന്ന് പ്രസംഗിക്കുന്നവരെല്ലാം പി.സി ജോര്‍ജിന്‍െറ നെഞ്ചിലൂടെ കയറിറങ്ങുക പതിവാണ്. സഹികെട്ട പി.സി ജോര്‍ജ് ക്ഷോഭിച്ചു. സാജുപോള്‍ ആ പതിവിന്‍െറ കാരണം വെളിപ്പെടുത്തി: ‘എത്ര വരണ്ട മണ്ണിലും വിത്തിടുക കര്‍ഷക ശീലമാണ്. എത്ര പറഞ്ഞാലും നന്നാകില്ളെന്നുറപ്പുണ്ടെങ്കിലും ജോര്‍ജ് എപ്പോഴെങ്കിലും നന്നായാലോ എന്ന പ്രതീക്ഷയില്‍ പറഞ്ഞുപോകുന്നതാണ്.’ സാജു മുതല്‍ ജോര്‍ജ് വരെയുണ്ട് എന്നതാണ് ഈ സഭയുടെ പുണ്യം. ഗാന്ധിജി പോലും ഇത്രയ്ക്ക് ഗാന്ധിയനായിരുന്നില്ലല്ളോ?

(13...12...12)

ഉച്ഛിഷ്ടം കഴിക്കുന്നവരുടെ അരിപ്രശ്നം

റോട്ടി, കപ്ട, മകാന്‍ കിഥര്‍ ഹേ എന്നൊക്കെ ചോദിച്ച് മലയാളവും ഇംഗ്ളീഷും ഹിന്ദിയും കലര്‍ത്തി സി. ദിവാകരന്‍ നടത്തിയ ബഹുഭാഷാ അരിപ്രസംഗത്തോടെയാണ് അടിയന്തിര പ്രമേയത്തില്‍ പ്രത്യേക ചര്‍ച്ച തുടങ്ങിയത്. ‘നാന്‍ നിനൈന്താന്‍ വിടമാട്ടെ, ഉയിരെപ്പോയാലും നിനക്കമാട്ടെ’യെന്ന് ജയിംസ് മാത്യു അത് തമിഴില്‍ അവസാനിപ്പിച്ചു. വിചാരിച്ചാല്‍ ചെയ്യും, പക്ഷെ ജീവന്‍പോയാലും വിചാരിക്കില്ല -അതാണ് സര്‍ക്കാര്‍ നയമെന്നാണ് ജയിംസ് മാത്യു ഉദ്ദേശിച്ചത്. തമിഴ് ചൊല്ലിന്‍െറ ആദ്യ പാതി പ്രതിപക്ഷ ആത്മഗതമായിരുന്നുവെന്ന് അധികം വൈകാതെ വ്യക്തമായി. രണ്ട് മണിക്കൂര്‍ നീണ്ട ചര്‍ച്ചകള്‍ക്ക് മന്ത്രി മറുപടി പറയുന്നത് കേള്‍ക്കാന്‍ നില്‍ക്കാതെ ബഹളംകൂട്ടി അവര്‍ സഭ അലങ്കോലമാക്കി. രാവിലെ തന്നെ പ്രതിപക്ഷം അത് വിചാരിച്ചിരുന്നു. നടപ്പാക്കാന്‍ വൈകുന്നേരം വരെ കാത്തിരിക്കേണ്ടി വന്നുവെന്ന് മാത്രം.
രവിലത്തെ ‘പ്രക്ഷുബ്ദത’ ഒഴിവാക്കാന്‍ ഭരണപക്ഷം വച്ച കെണി കൂടിയായിരുന്നു അതെങ്കിലും ചര്‍ച്ചയില്‍ അത് മറികടക്കാന്‍ പ്രതിപക്ഷത്തിനായി. ഭരണപക്ഷക്കാര്‍ പരോക്ഷമായും പി.സി ജോര്‍ജ് പരസ്യമായും വിലക്കയറ്റത്തില്‍ സര്‍ക്കാറിനെ വിമര്‍ശിക്കുന്നിടത്തോളം കാര്യങ്ങളത്തെി. എന്നിട്ടും പ്രതിപക്ഷത്തിന് അവസാന മിനിട്ടില്‍ സെല്‍ഫ് ഗോളടിച്ച് സ്വയം പരാജയമേറ്റുവാങ്ങേണ്ടി വന്നു. ഈ അബദ്ധത്തില്‍ രക്ഷപ്പെട്ടത് മന്ത്രി അനൂപ് ജേക്കബാണ്. മറുപടി പറയാന്‍ തുടങ്ങിയപ്പോള്‍ തന്നെ തപ്പിത്തടഞ്ഞ് നിന്നിടത്തുനിന്ന് അനൂപ് വട്ടം കറങ്ങിയതാണ്. അല്‍പ നേരം കൂടി സംസാരിച്ചിരുന്നുവെങ്കില്‍ അത് സര്‍ക്കാറിന്‍െറ ആത്മഹത്യ ആകുമായിരുന്നുവെന്ന് തോന്നിത്തുടങ്ങിയ നേരത്താണ് ബഹളം കൂട്ടാന്‍ പ്രതിപക്ഷ മുന്‍നിര ആഹ്വാനം ചെയ്തത്. അതോടെ മന്ത്രിയും രക്ഷപ്പെട്ടു. സര്‍ക്കാറും. ക്രിക്കറ്റായിരുന്നെങ്കില്‍ ഒത്തുകളിയാണെന്ന് പരാതിപ്പെടാമായിരുന്നു. ഇതുപക്ഷെ പാര്‍ലമെന്‍ററി ജനാധിപത്യമായിപ്പോയി. അതിനാല്‍ ചര്‍ച്ചകളിനിയും മുറപോലെ തുടരും, വില തടയില്ലാതെ ഉയരും.
വിലയില്‍ ഒരു മാറ്റവും വരുത്തിയില്ളെങ്കിലും അരി പ്രമേയ പ്രഭാഷണങ്ങള്‍ ഗൗരവതരമായിരുന്നു. സി. ദിവാകരന്‍ പതിവിലേറെ മകിവുകാട്ടി. സപൈ്ളകോയില്‍ കച്ചവടം കൂടിയതാണ് വിലക്കയറ്റ കാരണമെന്ന് വി.ഡി തീശന്‍ സമര്‍ഥിച്ചു. സതീശന്‍ കണ്ടത് ബിവറേജസിലെ ക്യൂ ആണെന്ന് കോവൂര്‍ കുഞ്ഞിമോന്‍ തിരുത്തി. നടപടിയൊന്നുമെടുക്കാത്തവര്‍ ചര്‍ച്ച നടത്താമെന്ന് സമ്മതിച്ചതിലെ തന്‍േറടം കണ്ട് തോമസ് ഐസക് ഞെട്ടി. ബംഗാള്‍ അരി കൊണ്ടുവന്ന് കഴിഞ്ഞ സര്‍ക്കാര്‍ വില നിയന്ത്രിച്ചുവെന്ന് വി.എസ് സുനില്‍കുമാര്‍ വെളിപ്പെടുത്തിയപ്പോള്‍ അതിലേറെ ബംഗാളികള്‍ വന്ന് അതെല്ലാം തിന്നുതീര്‍ത്തെന്ന് പി.സി ജോര്‍ജും. ഉമ്മന്‍ചാണ്ടിയെ വിമര്‍ശിച്ച ജോര്‍ജിന് മറുപടി പറഞ്ഞ് ബെന്നി ബഹനാന്‍ സര്‍ക്കാറിന്‍െറ മാനം കാത്തു.
പ്രത്യേക ചര്‍ച്ചക്ക് തീരുമാനമായതിനാല്‍ രാവിലെ മുതല്‍ സഭ ശാന്തമായാണ് നീങ്ങിയത്. തദ്ദേശ സ്ഥാപന കൂറുമാറ്റ നിരോധ ഭേദഗതി ബില്‍ രാവിലെ തന്നെ പരിഗണനക്ക് വന്നു. ഏതുബില്ലും വേണ്ടെന്നുപറയുക എന്ന പ്രതിപക്ഷ ആചാരത്തിന്‍െറ കാര്‍മികത്വം ഇ.എസ് ബിജിമോള്‍ക്കായിരുന്നു. കേരളത്തിലും ഇന്ത്യയിലുമുള്ള സകലമാന പ്രശ്നങ്ങളും പരത്തിപ്പറഞ്ഞ് മുന്നേറിയ ബിജിമോള്‍ കൂറുമാറ്റത്തെ പറ്റി മാത്രം ഒന്നും പറഞ്ഞില്ല. സ്കൂള്‍ ഉച്ചക്കഞ്ഞി, ബെഞ്ചും ഡസ്കും ഇല്ലായ്മ, കര്‍ഷകത്തൊഴിലാളി പെന്‍ഷന്‍, വിലക്കയറ്റവും അടുക്കള കലാപവും, കുടുംബ സംഘര്‍ഷം, സൂനാമി ഫണ്ട്, വെള്ളപ്പൊക്ക ദുരിതാശ്വാസ ഫണ്ട് തുടങ്ങിയവയിലെ പ്രശ്നങ്ങള്‍ കാരണമാണ് ഈ ബില്‍ വേണ്ടെന്ന് ബിജിമോള്‍ക്ക് തോന്നിത്. കൂറുമാറ്റ ബില്ലില്‍ ഇതൊന്നും ഒട്ടും അപ്രസക്തമല്ല എന്ന് ചര്‍ച്ചയിലിടപെട്ട സഖാക്കള്‍ എസ്. രാജേന്ദ്രന്‍, പി. ശ്രീരാമകൃഷ്ണന്‍, വി.എസ് സുനില്‍കുമാര്‍, എ.കെ ശശീന്ദ്രന്‍ തുടങ്ങിയവര്‍ക്കും തോന്നിയില്ല. ഇടതുപക്ഷത്തുനിന്ന് മറുകണ്ഠം ചാടിപ്പോയവരുടെ പട്ടികയും  നരസിംഹ റാവു മുതല്‍ മന്‍മോഹന്‍ സിംഗ് വരെ ഇക്കാര്യത്തില്‍ നല്‍കുന്ന സംഭാവനകളും വിവരിച്ച എ.എം ആരിഫ് കുറച്ചുകൂടി സത്യസന്ധത കാട്ടി. തിരിച്ച് ചാടിയവരുടെ പട്ടിക സി.പി മുഹമ്മദ് അവതരിപ്പിച്ചു.
സഭ തുടങ്ങിയത് മുതല്‍ ശാന്തനായി കാണപ്പെട്ട ജി. സുധാരകന്‍ പെട്ടെന്നാണ് ഇന്നലെ പൊട്ടിത്തെറിച്ചത്: ‘ദേവസ്വം നിയമനം പി.എസ്.സിക്ക് വിടാനുള്ള കഴിഞ്ഞ സര്‍ക്കാര്‍ തീരുമാനം ഹിന്ദുമതത്തിന്‍െറ പേര് പറഞ്ഞ് വകുപ്പ് മന്ത്രി റദ്ദാക്കിയിരിക്കുന്നു. സമുദായ നേതാക്കളുടെ ഉച്ഛിഷ്ടം ഭക്ഷിച്ചാണ് ഇതെല്ലാം ചെയ്യുന്നത്. ദൈവത്തിന്‍െറ പേരിലാണ് ചെയ്യുന്നത് എന്നോര്‍ക്കണം. ഈ മനുഷ്യന്‍ ഏത് ലോകത്താണ് ജീവിക്കുന്നത്?’ സുധാകരനുള്ള തന്‍േറടം മറ്റാര്‍ക്കുമില്ലാത്തതിനാല്‍ ആരും എതിര്‍ത്തില്ല. പറഞ്ഞതില്‍ പതിരില്ളെന്ന് അവരുടെ മുഖഭാവം ശരിവച്ചു. അര മനസ്സോടെയാണെങ്കിലും പാലോട് രവി പക്ഷെ ഒരു ചോദ്യമെറിഞ്ഞു: ‘സുധാകരന്‍ മികച്ച ദേവസ്വം മന്ത്രിയായിരുന്നു. നല്ല ഭരണം കാഴ്ചവച്ചു. പക്ഷെ ഏതൊക്കെ സമുദായ നേതാക്കളുടെ ഉച്ഛിഷ്ടം ഭക്ഷിച്ചാണ് ഇടക്കാലത്ത് ആ വകുപ്പില്‍ നിന്ന് സുധാകരനെ മാറ്റിയത്? ആരൊക്കെയാണ് അത് ഭക്ഷിച്ചവര്‍?’ അതിനും ആരും മറുപടി പറഞ്ഞില്ല. സുധാകരന്‍ അക്കൂട്ടത്തില്‍ പെടില്ളെങ്കിലും ഈ പണി ചെയ്യുന്നവര്‍  ഇരുഭാഗത്തുമുണ്ടെന്ന് രണ്ടുകൂട്ടരുടെയും തര്‍ക്കം കേട്ടവര്‍ക്ക് ബോധ്യമായി. പക്ഷെ അരിയുടെ അടിയന്തിര പ്രമേയ ചര്‍ച്ചകള്‍ കേട്ടാല്‍ അങ്ങനെയൊന്നും സംശയിക്കുകയേയില്ല. അത് സ്വന്തം അരി പ്രശ്നമാണല്ളോ?

(12....12....12)

ആക്ട് നിര്‍മാണ സഭയിലെ മുതലും പലിശയും

സഭയെ ഹൈടെക് ആക്കാന്‍ സ്പീക്കര്‍ അനുമതി നല്‍കിയ ദിവസം സഭയില്‍ നിറഞ്ഞുനിന്നത് ഭാഷാ പ്രശ്നങ്ങള്‍. മഅ്ദനി മുതല്‍ മൊറാര്‍ജി വരെ സഗൗരവം കടന്നുവന്ന ദിവസം ഭാഷയുടെ സങ്കീര്‍ണതയില്‍ തട്ടി അംഗങ്ങള്‍ വട്ടം കറങ്ങി. അമിത പലിശ നിരോധ ബില്‍ ചര്‍ച്ചയില്‍ ഭാഷാപ്രശ്നം ആദ്യം ഉന്നയിച്ചത് മുല്ലക്കര രത്നാകരന്‍: ‘കടം വാങ്ങുന്നവനെ അധമനും അവന്‍െറ പലിശ കൊണ്ട് കൊട്ടാരം കെട്ടുന്നവനെ ഉത്തമനും ആക്കുന്ന അധമര്‍ണന്‍-ഉത്തമര്‍ണന്‍ പ്രയോഗങ്ങള്‍ മാറ്റണം. കഴിയുമെങ്കില്‍ മാണിസാര്‍ ഇവയുടെ മലയാള  അര്‍ഥം തന്നെ മാറ്റണം.’
മലയാളത്തോടുള്ള കെ.എം മാണിയുടെ പ്രണയം പ്രഖ്യാപിതമായതിനാലാണ് മുല്ലക്കര ഈ ആവശ്യം ഉന്നയിച്ചത്. മാണിക്ക് പക്ഷെ സ്വന്തം കാര്യം പറയാന്‍ മലയാളം പോര. മന്ത്രിയുണ്ടാക്കുന്ന എല്ലാ നിയമങ്ങളുടെയും പേരിന്‍െറ അവസാനം വരുന്നത് ‘ആക്ട്’. ഈ വൈരുദ്ധ്യം പാടില്ളെന്ന് അബ്ദുറഹ്മാന്‍ രണ്ടത്താണിക്ക് തോന്നി. പക്ഷെ മാണിക്ക് ബോധ്യപ്പെട്ടില്ല: ‘നിയമസഭയിലും പാര്‍ലമെന്‍റിലും എല്ലാം ആക്ട് എന്നാണ് പറയുന്നത്. അതിനാല്‍ മാറ്റാനാവില്ല.’ ആക്ടുകളില്‍ മാണിക്കുള്ള ഈ വൈഭവം കണ്ട് ജി. സുധാരകന്‍ പുതിയ നിര്‍ദേശം വച്ചു: ‘എങ്കില്‍ ഈ സഭയെ ആക്ട് നിര്‍മാണ സഭ എന്നാക്കണം.’ ആക്ട് വകുപ്പ് മന്ത്രി പക്ഷെ അതിന് ഉത്തരം പറഞ്ഞില്ല.
ഭാഷാപ്രശ്നം നിലനില്‍ക്കുന്നുവെങ്കിലും ബില്‍ ചര്‍ച്ചക്ക് ഒരു കുറവുമുണ്ടായില്ല. നിലവിലുള്ള സാമൂഹ്യ വ്യവസ്ഥിതിയാണ് പലിശക്ക് കാരണമെന്നാണ് പ്രെഫ. സി. രവീന്ദ്രനാഥിന്‍െറ നിലപാട്. അത് മാറ്റാതെ നിയമം ഉണ്ടാക്കിയിട്ട് കാര്യമില്ല. പലിശയില്ലാത്ത ലോകം വേണമെന്നതാണ് പ്രൊഫസറുടെ സ്വപ്നം. സൈദ്ധാന്തികനായ രവീന്ദ്രനാഥിനേക്കാള്‍ ഗൗരവത്തിലായിരുന്നു കോടിയേരി ബാലകൃഷ്ണന്‍. പുതുതലമുറ ബാങ്കുകളുടെ ഗുണ്ടായിസത്തിലേക്കും പണക്കൊള്ളയിലേക്കും സഭയുടെ ശ്രദ്ധ ക്ഷണിച്ച കോടിയേരി ബാങ്ക് ദേശസാല്‍കരണത്തിലത്തെിയപ്പോള്‍ സി.കെ നാണു പിടികൂടി. ആ പറഞ്ഞതിലെവിടേയോ മൊറാര്‍ജി ദേശായി വിരുദ്ധതയുണ്ടെന്ന് നാണുവിന് തോന്നിയപ്പോള്‍ വെട്ടിലായത് കോടിയേരി. ‘ദേശായിയെ പറഞ്ഞാല്‍ നാണുവേട്ടന്‍ വിടില്ളെന്ന് എനിക്കറിയാം’ എന്ന് കുമ്പസരിച്ചിട്ടും പിടി അയഞ്ഞില്ല. ആ വിടവില്‍  ആര്യാടന്‍ മുഹമ്മദ് മുളക് തേച്ചു: ‘ബാങ്ക് ദേശസാല്‍കരണം അംഗീകരിക്കാതെ ദേശായി പാര്‍ട്ടി വിട്ടതാണെന്ന് ലോകത്ത് എല്ലാവര്‍ക്കും അറിയാം.’ ചരിത്രവുമായി നാണു വീണ്ടും എണീറ്റു: ‘കോണ്‍ഗ്രസ് അംഗീകരിച്ചത് ദേശസാല്‍കരണമല്ല. സാമൂഹ്യവല്‍കരണമാണ്. പാര്‍ട്ടി പിളര്‍ന്നപ്പോള്‍ പുരോഗമന വാദിയാകാന്‍ ഇന്ദിര അത് ചെയ്തതാണ്. അത് ഇന്ദിരാഗാന്ധിയുടെയും കോണ്‍ഗ്രസിന്‍െറയും മഹത്വമായി പറയരുത്.’ കോണ്‍ഗ്രസുകാരോട് പറയുംപോലെ എല്ലാവരോടും വായില്‍ തോന്നിയത് ചരിത്രമാക്കരുതെന്ന് ആര്യാടന് ബോധ്യമായെങ്കിലും നാണു അവിടെയും നിറുത്തിയില്ല: ‘വാടകക്കാരന്‍ ഇറക്കി വിട്ടപ്പോള്‍ ആത്മഹത്യ ചെയ്യേണ്ടി വന്നതാണ് ദേശായിയുടെ മരുമകളുടെ ചരിത്രം. ഒറ്റത്തവണ മന്ത്രിയാകുമ്പോഴേക്ക് തലമുറകള്‍ക്ക് കഴിയാനുള്ള സ്വത്തുണ്ടാക്കുന്നവര്‍ പട്ടിണി കിടന്ന് മരിക്കേണ്ടി വന്നവരെ പരിഹസിക്കരുത്.’ അത്രയായപ്പോള്‍ ആര്യാടന്‍െറ ചിരി മാഞ്ഞു. കെ.സി ജോസഫും ബെന്നി ബഹനാനും ചേര്‍ന്ന് ഒന്നുകൂടി ശ്രമിച്ചെങ്കിലും ചരിത്രം പറഞ്ഞ് നാണുവിനോട് മുട്ടാനുള്ള കോപ്പ് കൈയ്യിലില്ലായിരുന്നു. കോടിയരിയേക്കാള്‍ ഗൗരവത്തിലായിരുന്നു എന്‍. ഷംസുദ്ദീന്‍. ബില്ല് പഠിച്ച് അതിലൊതുങ്ങി നിന്ന് വിശദമായി സംസാരിച്ച ഷംസുദ്ദീനെ അഭിനന്ദിച്ച സ്പീക്കര്‍ ഇതുപോലെ ഗൃഹപാഠം ചെയ്യണമെന്ന് മറ്റുള്ളവരെ ഓര്‍മിപ്പിക്കുകയും ചെയ്തു. അംഗങ്ങളുടെ ഗൃഹപാഠം പക്ഷെ വോട്ടിംഗിലായിരുന്നു. ഏഴ് വട്ടമാണ് സഭയില്‍ ഇന്നലെ വോട്ടെടുപ്പ് നടന്നത്.
മുനിസിപ്പാലിറ്റി (ഭേദഗതി) ബില്‍ പക്ഷെ മാലിന്യത്തില്‍ കുരുങ്ങിക്കിടന്നു. പി.ടി.എ റഹീം വിളപ്പില്‍ശാലയിലേക്ക് നീങ്ങിയപ്പോള്‍ ചെയറിലിരുന്ന് എന്‍. ശക്തന്‍ വിയോജിച്ചു. അവിടെപോയ സാംസ്കാരിക നായകര്‍ ഓരോകവറ് ചവറ് കൊണ്ടുവന്നിരുന്നെങ്കില്‍ പ്രശ്നം തീരുമായിരുന്നുവെന്ന് സി.എസ് സുനില്‍കുമാറും. കിട്ടിയ അവസരം മുതലെടുത്ത് ‘വിളപ്പില്‍ശാലയുടെ പിതാവായ’ വി. ശിവന്‍കുട്ടി വിളപ്പില്‍ശാലയെ കെ. കരുണാകരന്‍െറ തലയില്‍ കെട്ടിവക്കാന്‍ ശ്രമിച്ചു. അത് വേണ്ടെന്ന് അല്‍പം നീട്ടിത്തന്നെ ഡപ്യുട്ടി സ്പീക്കര്‍ എതിര്‍ത്തു.  വിളപ്പില്‍ശാല കഴിഞ്ഞപ്പോള്‍ റഹീം മുസ്ലിം ലീഗിനെ പിടിച്ചു. കെ.എം ഷാജി അത് ചോദ്യം ചെയ്തതിന് തല്‍ക്ഷണം മറുപടയുണ്ടായി: ‘ഇത് മണലിന്‍െറ കാര്യമല്ല. അതുവരുമ്പോള്‍ ഷാജിക്ക് ഇടപെടാം.’
 അംഗങ്ങള്‍ക്ക് കാലത്തിനനസുരിച്ച് മാറാന്‍ സഭക്ക് അകത്ത് ഐ-പാഡും ലാപ്ടോപ്പും ഉപയോഗിക്കാന്‍ സ്പീക്കര്‍ അനുമതി നല്‍കി. കര്‍ണാടക ഓര്‍ണ വേണമെന്ന ഉപാധിയോടെയാണ് തീരുമാനം. അനുമതി കിട്ടി രണ്ട് മണിക്കൂറിനകം സഭയില്‍ ഫോട്ടോ ഫ്ളാഷ് മിന്നി. ആ പണി പറ്റില്ളെന്ന് സ്പീക്കറുടെ താക്കീത് പിന്നാലെ വന്നു. ഹൈടെക്കായിക്കൊണ്ടിരിക്കുന്ന സഭയുടെ ഓജസ്സും തേജസ്സും കേരള കോണ്‍ഗ്രസിന്‍െറ ശക്തിയും എല്ലാം മാണിസാറാണത്രെ. പലിശ ബില്‍ ചര്‍ച്ചയില്‍ മുല്ലക്കര രത്നാകരനോട് ഇക്കാര്യം പറഞ്ഞത് പി.സി ജോര്‍ജാണ്. അപ്പോള്‍ പി.സി ജോര്‍ജോ? അതിനുത്തരം മുല്ലക്കര തന്നു: ‘മാണിസാര്‍ മുതലാണ്. പി.സി ജോര്‍ജ് പലിശയാണോ അമിത പലശയാണേ എന്നേ സംശയമുള്ളൂ.’ ജോര്‍ജിന്‍െറ വളര്‍ച്ച കണ്ടാല്‍ മീറ്റര്‍ പലിശയാണെന്ന് ആരും സംശയിച്ചുപോകും.

(11...12...12)

മാറിച്ചിന്തിക്കുന്ന അസംതൃപ്തര്‍

അധികാര രാഷ്ട്രീയത്തില്‍ അസംതൃപ്തര്‍ അപൂര്‍വതയല്ല. അവരുടെ ഊരും പേരും തെളിഞ്ഞുവരാന്‍ പ്രയാസമാണെന്നേയുള്ളൂ. പതിമൂന്നാം സഭയുടെ ആറാം സമ്മേളനം തുടങ്ങിയയുടന്‍ കേരള നിയമസഭക്ക് പക്ഷെ ആ വിലപ്പെട്ട വിവരം കിട്ടി. നട്ടുച്ചക്കാണ് വെളിപാടുകള്‍ പ്രത്യക്ഷത്തില്‍ വന്നതെങ്കിലും രാവിലെ അടിയന്തിര പ്രമേയത്തില്‍ തന്നെ അതിന്‍െറ ലക്ഷണങ്ങള്‍ കണ്ടുതുടങ്ങിയിരുന്നു. അതുകൊണ്ട് തന്നെയാകണം, തീയും പുകയും പ്രതീക്ഷിച്ച് വന്നവര്‍ക്ക് നിരാശരാകേണ്ടി വന്നതും. പ്രതിപക്ഷ നേതാവിന്‍െറ കേസെടുത്തിട്ടും പ്രതിപക്ഷം പാടേ ശാന്തരായി കാണപ്പെട്ടു. തുടക്കത്തിന്‍െറ ആവേശം പോലും കണ്ടില്ല. മറുഭാഗത്തുമില്ല പഴയ ആത്മവിശ്വാസം. ഒന്നിറങ്ങിപ്പോയെങ്കിലും പിന്നീട് എല്ലാവരും ചേര്‍ന്ന് വൈകുന്നേരം വരെ ഗഹന ഗംഭീര ചര്‍ച്ചകള്‍ നടത്തി.
ബില്‍ ചര്‍ച്ചക്കിടെ അസംതൃപ്തരെ കുറിച്ച് വെളിപ്പെടുത്തിയത് സാജുപോളാണ് -തെളിവ് മാണി കോണ്‍ഗ്രസിന്‍െറ മുഖമാസിക ‘പ്രതിച്ഛായ’:  ‘ഇത്രയേറെ അസംതൃപ്തനും വ്രണിത ഹൃദയനുമായി മാണിസാര്‍ മറ്റൊരു ബില്ലും ഈ സഭയില്‍ അവതരിപ്പിച്ചിട്ടില്ല. എല്ലാം യാന്ത്രികമായാണ് ചെയ്യുന്നത്.’ എം. ഹംസക്കാകട്ടെ കുറച്ചുകൂടി കാര്യങ്ങളിറയാം: ‘മാണിസാര്‍ ഇപ്പോള്‍ മാറി മാറി ചിന്തിക്കുന്നതായി ഞങ്ങള്‍ക്കൊക്കെ മനസ്സിലായിട്ടുണ്ട്. ആ മാറ്റം ശക്തിപ്പെടുത്തണം.’ മാറ്റത്തിന്‍െറ ഈ കാറ്റ് വി.എസ് അച്യുതാനന്ദനും കിട്ടിയിരുന്നു. അതിനാല്‍ അടിയന്തിര പ്രമേയത്തില്‍ കിട്ടിയ ആദ്യാവസരത്തില്‍ തന്നെ ഭൂമിദാന കേസിന്‍െറ എല്ലാ വകുപ്പും വഴികളും വി.എസ് വിശദീകരിച്ചു. ഒടുവില്‍, സ്വന്തം മനസ്സാക്ഷിക്ക് ശരിയെന്ന് തോന്നുന്നത് ചെയ്യുകയാണ് തന്‍െറ നിലപാട് എന്ന ഉമ്മന്‍ചാണ്ടി സിദ്ധാന്തത്തില്‍ പിടിച്ച് സ്വയം കുറ്റവിമുക്തി പ്രഖ്യാപിച്ചു:  ‘മറ്റു മുഖ്യമന്ത്രിമാര്‍ക്കും അങ്ങനെ ചെയ്യാനുള്ള അവകാശമില്ളേ?’ കൈയ്യിലെ കടലാസില്‍ തറച്ചുനോക്കിയിരുന്ന ഉമ്മന്‍ചാണ്ടി ആ ചോദ്യം വിഴുങ്ങിയപ്പോള്‍ പാമോയിലും സൈന്‍ ബോര്‍ഡും പറഞ്ഞ് കോടിയേരി ബാലകൃഷ്ണന്‍ തര്‍ക്കം തുടങ്ങി. പ്രതിപക്ഷ നേതാവായി മറ്റൊരാളെ പ്രതിഷ്ടിക്കാനുള്ള തന്ത്രമാണ് ഭൂമിക്കേസെന്ന് നേരത്തേ തന്നെ പ്രഖ്യാപിച്ചയാളാണ് വി.എസ്. അത് കോടിയേരിയാണോയെന്ന് ദോഷൈകദൃക്കുകള്‍ അടക്കം ചോദിക്കുന്നുമുണ്ട്. അതിനിടയിലാണ് വി.എസിന്‍െറ പേരില്‍ അടിയന്തിര പ്രമേയം കൊണ്ടുവന്നത്. എന്നിട്ടോ, ലാവ്ലിനടക്കം മൊത്തം ഒമ്പത് കേസുകള്‍ പറഞ്ഞുവച്ചു. ഒന്നുമെവിടെയുമത്തെിയുമില്ല. മാറിച്ചിന്തിക്കുന്നതിന്‍െറ മാക്സിസ്റ്റ് രീതകള്‍ ഇപ്രകാരമായിരിക്കണം.
നിയമ നിര്‍മാണത്തിനായി മാത്രം ചേര്‍ന്ന ആറാം സമ്മേളനത്തിന്‍െറ ആദ്യ ദിവസമത്തെിയത് അമിത പലിശ നിരോധ ബില്ലും മുനിസിപ്പാലിറ്റി ഭേദഗതി ബില്ലും. പാകത്തിന് രാഷ്ട്രീയം ചേര്‍ത്ത് എല്ലാവരും പക്വത പാലിച്ചപ്പോള്‍ ചര്‍ച്ച പൊടിപാറി. സഹകരണ സംഘങ്ങളെ തകര്‍ക്കുന്ന കുതന്ത്രങ്ങളുടെ സമഗ്ര വിവരണമായിരുന്നു ആദ്യ ബില്ലില്‍ എം. ഹംസ അവതരിപ്പിച്ചത്. മന്‍മോഹന്‍െറ യു.എസ് ഇടപാടുകള്‍ക്ക് വേണ്ടി കേന്ദ്രം റിസര്‍വ് ബാങ്കിനെ പണയപ്പെടുത്തിയിരിക്കുന്നു എന്ന് ജി. സുധാകരന് തോന്നിയത് അപ്പോഴാണ്. അത്രക്കങ്ങ് പോകേണ്ടെന്ന് കെ. ശിവദാസന്‍ നായരും.  പറഞ്ഞതില്‍ ശരിയുണ്ടെന്ന്, സുധാകരന്‍െറ കാര്യത്തില്‍ ചില അസംതൃപ്തികളുള്ള തോമസ് ഐസക് പിന്തുണച്ചു. ഇക്കാര്യത്തില്‍ പി.സി ജോര്‍ജും കെ.എം മാണിയും രണ്ട് തരം അഭിപ്രായം പറഞ്ഞപ്പോള്‍ അതും അസംതൃപ്തരുടെ മാറിച്ചിന്തയാണെന്ന് രാജു എബ്രഹാം കണ്ടത്തെി. ബില്ളൊക്കെ കൊള്ളാം, എന്നാലും എതിര്‍ക്കാതിരിക്കാനാകില്ല എന്നായിരുന്നു പ്രതിപക്ഷ നിലപാട്. അതിന് ഏല്‍പിച്ചതാകട്ടെ കെ.കെ ലതികയെയും. പെണ്‍കുട്ടികളും സ്ത്രീകളും പീഢനത്തിനിരയാകുന്നതിനെ പറ്റി ഷാഫി പറമ്പില്‍ സബ്മിഷന്‍ ഉന്നയിച്ചതിലായിരുന്നു ലതികക്ക് ഏറെ വിഷമം: ‘ഞങ്ങള് കൊണ്ടുവരേണ്ട സബ്മിഷനായിരുന്നു അത്. അത്രക്കാണ് ഭരണം.’ ശരിയാണ്; പക്ഷെ അകത്തായവരെ പുറത്തിറക്കാനുള്ള തിരക്കിനടയില്‍ വിട്ടുപോയിയെന്ന് മാത്രം.
രണ്ടാമത്തെ ബില്ലിനെ തോമസ് ഐസക്ക് എതിര്‍ത്തത് പക്ഷെ കാര്യകാരണ സഹിതമായിരുന്നു. പി. ശ്രീരാമകൃഷ്ണനും കെ.കെ ജയചന്ദ്രനും സി.പി മുഹമ്മദും വി.ഡി സതീശനും അതില്‍ ചേര്‍ന്നതോടെ ചര്‍ച്ചക്ക് ഗൗരവമേറി. മാലിന്യ സംസ്കരണം വഴി വിളപ്പില്‍ ശാലയില്‍ ചര്‍ച്ചയത്തെിയപ്പോള്‍ വി. ശിവന്‍കുട്ടിക്ക് പലവട്ടം ഇടപെടല്‍ രോഗമുണ്ടായി. അപ്പോഴാണ് എം.എ വാഹിദിന് പഴയ കാര്യം ഓര്‍മ വന്നത്: ‘വി.ശിവന്‍കുട്ടിയാണ് വിശപ്പില്‍ശാലയുടെ പിതാവ്.’ പുത്രലഭ്യതയില്‍ സന്തുഷ്ടനായ ശിവന്‍കുട്ടി പിന്നെ സഭ പരിഞ്ഞപ്പോഴാണ് സീറ്റില്‍ നിന്ന് എഴുന്നേറ്റത്.
മാലിന്യ സംസ്കരണത്തിന്‍െറ എല്ലാ സിദ്ധാന്തങ്ങളും പറഞ്ഞിട്ടും നഗര മാലിന്യം ഗ്രാമങ്ങളില്‍ തള്ളുന്നതിനെ പറ്റി മാത്രം സി.പി.എം അംഗങ്ങള്‍ മൗനം പാലിച്ചു. അതേപറ്റി പറയണമെന്ന് വി.ഡി സതീശനും ടി.എന്‍ പ്രതാപനും സി.പി മുഹമ്മദും ചെയറിലിരുന്ന് എന്‍.ശക്തനും നിര്‍ബന്ധിച്ചെങ്കിലും ഫലം കണ്ടില്ല. അതുപറഞ്ഞാല്‍ വിളപ്പില്‍ശാലയുടെ പിതൃത്വം ശിവന്‍കുട്ടിയില്‍ നിന്ന് പാര്‍ട്ടിയിലേക്കത്തെുമെന്ന് അവര്‍ക്കറിയാം.
ഗഹനമായ ഈ രാഷ്ട്രീയ ചലനങ്ങള്‍ക്കിടയിലും കേരളം ഇതുവരെ കണ്ടത്തെിയിട്ടില്ലാത്ത സിദ്ധൗഷധത്തെ പറ്റിയുള്ള വെളിപ്പെടുത്തലിന്‍െറ പേരിലാകും ആറാം സമ്മേളനത്തിന്‍െറ ആദ്യ ദിനം ചരിത്രത്തില്‍ അറിയപ്പെടുക. അത് സംഭാവന ചെയ്തത് മന്ത്രി കെ.പി മോഹനന്‍: ‘വെളിച്ചെണ്ണ സിദ്ധൗഷധമാണ്. ആഫ്റ്റര്‍ ഷേവായും ബിഫോര്‍ ഷേവായും അത് ഉപയോഗിക്കാം.’ കളരിമുറ പ്രകാരം മെയ് വഴക്കത്തിനുകൂടി പറ്റിയ മരുന്നാണത്. മോഹനനും മാണിസാറിനും ഈ സീസണില്‍ ഒരുപോലെ ഉപയോഗ പ്രദവും.

(10/12/12)

ആന്‍റികൈ്ളമാക്സില്‍ തിരശ്ശീല വീണ നാടകീയ ജീവിതം

‘ആദ്യ കാലത്ത് സി.പി.എമ്മിനും ദേശാഭിമാനിക്കും ഏറെ പ്രിയപ്പെട്ടാനായിരുന്നു വേണുക്കുട്ടന്‍ നായര്‍. ഒരുഘട്ടം കഴിഞ്ഞപ്പോള്‍ തണുപ്പന്‍ മട്ടായി. കേരള സംഗീത നാടക അക്കാദമി ¥ൈവസ് പ്രസിഡന്‍റായിരുന്നപ്പോള്‍ സി.പി.എം പ്രതിഭകളുടെ താളത്തിന് പൂര്‍ണ മനസ്സോടെ സദാ തുള്ളാന്‍ തയ്യാറാകാത്തതും നാടക രംഗത്തെ ചില ഇടതുപക്ഷ കലാകാരന്‍മാര്‍ക്ക് അദ്ദേഹത്തിന്‍െറ യഥാര്‍ഥ ഒൗന്നത്യം അംഗീകരിക്കാനുള്ള വൈമനസ്യവും ഒക്കെ ഈ നയം മാറ്റത്തിന് കാരണമായി.’

തിരുവനന്തപുരം: അസമയത്തുവന്ന ആന്‍റി കൈ്ളമാക്സില്‍ തിരശ്ശീല വീണ മുഴുനീള നാടകമായിരുന്നു പി.കെ വേണുക്കുട്ടന്‍ നായര്‍. ജീവിതത്തിന്‍െറ അരങ്ങില്‍ വാക്കുകള്‍ നിലച്ച് നിശ്ശബ്ദമായിപ്പോയ ആചാര്യന്‍. അപ്രഖ്യാപിത സാമൂഹിക ബഹിഷ്കരണവും തിരസ്കാരവും ഏറ്റുവാങ്ങേണ്ടി വന്നിട്ടും അവസാനം വരെ പൊരുതിനിന്ന ജീവിതം.
മലയാള നാടകവേദിയുടെ വികാസ പരിണാമങ്ങളില്‍ നിര്‍ണായക സംഭാവനകള്‍ നല്‍കിയ അപൂര്‍വ പ്രതിഭ. അഭിനേതാവ്, സംവിധായകന്‍, എഴുത്തുകാരന്‍, നിരൂപകന്‍, പ്രഭാഷകന്‍, അധ്യാപകന്‍, സംഘാടകന്‍ തുടങ്ങി മലയാള നാടകത്തെ സമ്പുഷ്ടമാക്കിയ അരങ്ങിന്‍െറ ഏതണിയറയിലും ആ സാന്നിധ്യമുണ്ടായിരുന്നു. എന്‍ജിനീയറിംഗ് പഠനത്തിന് വീട്ടില്‍നിന്നയച്ച പയ്യന്‍ അത് വഴിയിലുപേക്ഷിച്ച് നടന്നുവന്നത് അരങ്ങിലേക്കായിരുന്നു. ഇരുപതാം വയസ്സില്‍ ‘സമത്വവാദി’യില്‍ വേഷമിട്ടു. അതിന്‍െറ നാലം വര്‍ഷം, 1956ല്‍, ‘കേരളം പിറക്കുന്നു’ എന്ന നടകത്തിന്‍െറ സംവിധായകനായി. പിന്നീടങ്ങോട്ട് നാടീകയമായ ജീവിതമായിരുന്നു അരങ്ങിലും അണിയറയിലും. നാടകവേദിയെ പലമട്ടില്‍ നവീകരിക്കുകയും പുതുക്കിപ്പണിയുകയും പിടിച്ചുലക്കുകയും ചെയ്ത നിരവധി നാടകങ്ങള്‍. സംവിധാനം ചെയ്തത് മാത്രം 90 നാടകം. അവസാനത്തേത് 69-ാം വയസ്സില്‍. രചിച്ചത് 14 നാടകം. വാര്‍ധക്യവും ദാരിദ്ര്യവും ഒറ്റപ്പെടലും അനുഭവിച്ച അവസാന കാലത്തും ആ സമര്‍പണം നിലച്ചില്ളെന്ന് 78-ാം വയസ്സിലെഴുതിയ നാടകം സാക്ഷി.
ലോകോത്തര നാടകങ്ങളെ മലയാളത്തിലേക്ക് ഭാഷമാറ്റിയത്തെിച്ചതില്‍ വലിയ സംഭാവന നല്‍കി. ബത്ത്രോള്‍ഡ് ബ്രഹ്തും ഷേക്സ്പിയറും മലായാളികള്‍ അറിഞ്ഞത് അങ്ങനെയാണ്. ബ്രഹ്തിന്‍െറ കോറിയോലാനസ്, മനുഷ്യന്‍ മനുഷ്യനാകുന്നു, കൊക്കേഷ്യന്‍ ചോക്ക് സര്‍ക്കിള്‍ എന്നിവയും ഷേക്സ്പിയറുടെ ഒഥല്ളോ, മക്ബത്ത്, കിംഗ് ലിയര്‍, ആന്‍റണിയും ക്ളിയോപാട്രയും, ഹാംലറ്റ് എന്നിവയും പിന്നെ കേരളീയര്‍ക്ക് പ്രിയപ്പെട്ടതായി. ആഫ്രിക്കന്‍, റഷ്യന്‍, സ്പാനിഷ് നാടകങ്ങളും അദ്ദേഹം വിവര്‍ത്തനം ചെയ്തു. ജി. ശങ്കരപ്പിള്ളയുടെ കറുത്ത ദൈവത്തെ തേടി, താവളം, ഓംചേരിയുടെ കൊച്ചുകുട്ടത്തി, ഭാര്യ ആശാ സുവര്‍ണരേഖയുടെ വിശപ്പ് എന്നിവയുടെ മൊഴിമാറ്റം വഴി മലയാളത്തെ ഇംഗ്ളീഷ് നാടക വേദികളിലും അദ്ദേഹമത്തെിച്ചു.
ഇ.എം.എസിന്‍െറ അമ്മയെക്കുറിച്ചെഴുതിയ നാടകം ‘അമ്മ, ഏലംകളും മനയ്ക്കലെ അമ്മ’ക്ക് അവകാശവാദം ഉന്നയിച്ച് മറ്റൊരാള്‍ കോടതി കയറിയെങ്കിലും ഇ.എം.എസിന്‍െറ പിന്തുണ വേണുക്കുട്ടന്‍നായര്‍ക്ക് ലഭിച്ചു. എന്നിട്ടും സങ്കുചിത രാഷ്ട്രീയപ്പോരില്‍ കുരുങ്ങി, ആ നാടകം അരങ്ങിലത്തെിക്കാന്‍ ഏറെ പ്രായസപ്പെട്ട അദ്ദേഹം ഇതിന്‍െറ പേരില്‍ ലക്ഷങ്ങളുടെ കടക്കെണിയിലുമായി. ആശാ സുവര്‍ണരേഖയുട ഒരു പുസ്തകത്തിനെഴുതിയ അവതാരികയില്‍ ജി.എന്‍ പണിക്കര്‍ ഇതിന്‍െറ രാഷ്ട്രീയമെന്തെന്ന് വെളിപ്പെടുത്തി: ‘ആദ്യ കാലത്ത് സി.പി.എമ്മിനും ദേശാഭിമാനിക്കും ഏറെ പ്രിയപ്പെട്ടാനായിരുന്നു വേണുക്കുട്ടന്‍ നായര്‍. ഒരുഘട്ടം കഴിഞ്ഞപ്പോള്‍ തണുപ്പന്‍ മട്ടായി. കേരള സംഗീത നാടക അക്കാദമി ¥ൈവസ് പ്രസിഡന്‍റായിരുന്നപ്പോള്‍ സി.പി.എം പ്രതിഭകളുടെ താളത്തിന് പൂര്‍ണ മനസ്സോടെ സദാ തുള്ളാന്‍ തയ്യാറാകാത്തതും നാടക രംഗത്തെ ചില ഇടതുപക്ഷ കലാകാരന്‍മാര്‍ക്ക് അദ്ദേഹത്തിന്‍െറ യഥാര്‍ഥ ഒൗന്നത്യം അംഗീകരിക്കാനുള്ള വൈമനസ്യവും ഒക്കെ ഈ നയം മാറ്റത്തിന് കാരണമായി.’ പക്ഷെ, എല്ലാ തരം എതിര്‍പുകളെയും അംഗീകാരങ്ങളെയും ഒരേമട്ടില്‍ സ്വീകരിക്കാന്‍ അദ്ദേഹത്തിനായി. ഒറ്റയാനാകേണ്ടിടത്ത് അങ്ങിനത്തെന്നെ നടന്നു. നാടക വേദികളുടെ മികച്ച സംഘാടകനായിരുന്ന വേണുക്കുട്ടന്‍ നായര്‍ 1968ല്‍ സുവര്‍ണുരേഖ സ്ഥാപിച്ചു. എന്നാല്‍ തന്‍െറ നാടകങ്ങളെ നാടക മുതലാളിമാര്‍ ‘ലാഭകരമാക്കാന്‍’ തുടങ്ങിയപ്പോള്‍ കലാമൂല്യമുള്ള നാടകങ്ങള്‍ക്ക് മാത്രമായി കാര്‍ത്ത്യായനി തിയറ്റേഴ്സുണ്ടാക്കി.
ജീവിതം മുഴുവന്‍ അരങ്ങിനായി മാറ്റിവച്ച വേണുക്കുട്ടന്‍ നായര്‍ പക്ഷെ, ജീവിതത്തിന്‍െറ അവസാന കാലത്ത് നാടകീയമായ കൈയ്യേറ്റങ്ങള്‍ക്ക് വിധേയമായി. ബാലികയെ പീഡിപ്പിച്ചുവെന്ന ആരോപണത്തിനിരയായ അദ്ദേഹം അതോടെ പൊതുസമൂഹത്തില്‍ നിന്നും സാംസ്കാരിക മുഖ്യധാരയില്‍ നിന്നും തിരസ്കരിക്കപ്പെട്ടു. ചെയ്യാത്ത കുറ്റമാണെന്നും നീതി വേണമെന്നും അഭ്യര്‍ഥിച്ച് കയറിച്ചെന്നിടങ്ങളില്‍ നിന്നെല്ലാം കിട്ടിയത് തിരിച്ചടികള്‍ മാത്രം. ഒടുവില്‍ ആ പീഢനകഥയുടെ ചുരുള്‍ നിവര്‍ത്തി ഭാര്യ തന്നെ പുസ്തകമെഴുതി. അയല്‍ക്കാരുടെ സ്പിരിറ്റ് കച്ചവടത്തിനും ഭക്തി വ്യവസായത്തിനും നിയമപരമായും സാമൂഹികമായും തടസ്സം നിന്നതിന്‍െറ പ്രതികാരമായിരുന്നു അതെന്ന് അവര്‍ തെളിവുകള്‍ ഹാജരാക്കി.
സാമാന്യ യുക്തിപോലുമില്ലാത്ത ചില ആരോപണങ്ങള്‍ക്കു നേരേ മൗനംപാലിച്ച കേരളത്തിലെ സാംസ്കാരിക മണ്ഡലത്തെ ആ പുസ്തകം പ്രതിക്കൂട്ടില്‍ നിര്‍ത്തി. ആരോപണവും കേസും പക്ഷെ വേണുക്കുട്ടന്‍ നായരെ തളര്‍ത്തി. എല്ലാവരില്‍ നിന്നും ഒറ്റപ്പെട്ട് കടുത്ത സാമ്പത്തിക പ്രയാസങ്ങളിലകപ്പെട്ട് ദുരിതപൂര്‍ണമായ അന്ത്യത്തിലേക്കുള്ള യാത്രയായിരുന്നു പിന്നെ. എന്നിട്ടും അരങ്ങിന് വേണ്ടി ശബ്ദിക്കാതിരിക്കാന്‍ അദേഹത്തിനായില്ല. ഈ മഹാദുരന്തങ്ങള്‍ക്കിടയില്‍ മൂന്ന് നാടകങ്ങള്‍ കൂടി സംവിധാനം ചെയ്തു. രണ്ടെണ്ണം എഴുതി. രണ്ടെണ്ണം വിവര്‍ത്തനം ചെയ്തു. അതായിരുന്നു വേണുക്കുട്ടന്‍ നായര്‍. പ്രതിസന്ധികളുടെ അരങ്ങിലേക്ക് സധൈര്യം നടന്നുവന്ന ഒരാള്‍. ഒരു ആന്‍റികൈ്ളമാക്സില്‍ സമയം തെറ്റി വീണ തിരശ്ശീലക്കുപിന്നില്‍ നിസ്സഹായനായിപ്പോയെങ്കിലും ജീവിതത്തിന്‍െറ അവസാന ബെല്ലുവരെ സര്‍ഗാത്മകത തെളിഞ്ഞുനിന്ന അരങ്ങായിരുന്നു അത്.

(27 November 2012)