Saturday, August 9, 2014

പഠിക്കാനുള്ള അവകാശത്തെ കണക്കുകള്‍കൊണ്ട് വേട്ടയാടുന്നവര്‍

വിദ്യാഭ്യാസ രംഗത്ത് ഒരുപാട്​ മുന്നേറിയെന്ന് മേനി നടിക്കുന്ന കേരളത്തില്‍ വലിയൊരു വിഭാഗം കുട്ടികളും രക്ഷിതാക്കളും ഉപരിപഠനത്തിന്​ അവസരം തേടി നടത്തുന്ന അക്കാദമിക്​ ഭിക്ഷാടനത്തിന്‍റെ ദയനീ യാനുഭവങ്ങളിലൂടെയാണ്​ കേരളം ഇപ്പോള്‍ കടന്നുപോകുന്നത്​. കേരളത്തിലെ സ്​കൂളുകളുടെ വിന്യാസത്തില്‍ സംഭവിച്ച ഭൂമിശാസ്ത്രപരമായ അസന്തുലിതത്വവും വിവേചനവുമാണ്​ ഈ സ്ഥിതി വിശേഷം സൃഷ്ടിച്ചത്​. കേരളത്തില്‍ പ്ലസ്​ ടു പഠന രീതി സാര്‍വÛതികമാക്കിയ അന്നുതൊട്ട് ആരംഭിച്ച വിവേചനത്തിന്‍റെ പ്രത്യാഘാതം ഇപ്പോള്‍ അതിന്‍റെ ഏറ്റവും ഭീകരമായ അവസ്ഥയിലെത്തിയിരിക്കുന്നു. എറണാംകുളം മുതല്‍ കാസര്‍കോട്​ വരെയുള്ള വടക്കന്‍ ജില്ലകളാണ്​ പ്രതിസന്ധി ഏറ്റവുമേറെ അനുഭവിക്കുന്നത്​. ഇക്കാര്യം മാറിമാറി വരുന്ന മുന്നണി സര്‍ക്കാറുകള്‍ക്കെല്ലാം ബോധ്യപ്പെട്ടിട്ടും ഇത്​ അപരിഹാര്യമായി തുടരുന്നതിന്​ പിന്നില്‍ രാഷ്ട്രീയവും സാമൂഹികവും സാമുദായികവുമായ ഘടകങ്ങളുണ്ട്. യു ഡി എഫ്​ ഭരണത്തില്‍ കാലങ്ങളായി വിദ്യാഭ്യാസ വകുപ്പ് Óകെകാര്യം ചെയ്യുന്ന മുസ്ലിം ലീഗിന്‍റെ ശക്തി കേന്ദ്രമാണ്​ ഈ പ്രദശങ്ങളിലേറെയും. ഇത്​ പ്രശ്​ന പരിഹാരത്തിന്​ സഹായകരമാകുന്നതിന്​ പകരം ഈ മേഖലയിലെ ജനങ്ങള്‍ക്ക്‌ ബാധ്യതയായി മാറുകയാണ്​ ചെയ്യുന്നത്​. ഏത്​ വിഷയത്തിലും നീതിബോധത്തോടെ തീരുമാനമെടുക്കാനുള്ള ശേഷിയും വിശ്വാസ്യതയും സ്വന്തം കര്‍മഫലത്താല്‍ നഷ്ടപ്പെട്ട  മുസ്ലിംലീഗിന്‍റെ അധീരത ഒരു ഭാഗത്ത്. ഈ നിസ്സഹായത മുതലെടുത്ത് വിലപേശുന്ന സ്വന്തം മുന്നണിയിലെ, സാമുദായിക സംഘനകളുടെ Ûപാതിനിധികള്‍ മാത്രമായി മാറുന്ന കോണ്‍ഗ്രസ്​ മന്ത്രിമാരടക്കമുള്ളവര്‍ മറുവശത്ത്. മുസ്ലിം ലീഗിന്​ Ûപാമുഖ്യമുള്ള സര്‍ക്കാറിന്‍റെ ഏതുതീരുമാനത്തിലും വര്‍ഗീയതയും മുസ്ലിം Ûപീണനവും ആരോപിച്ച് കേരളത്തിന്‍റെ സാമൂഹ്യാന്തരീക്ഷത്തെ കലുഷിതമാക്കുന്ന സാമുദായിക സംഘടനകളും അവരുടെ Óകെയ്യാളായി പ്രവര്‍ത്തിക്കുന്ന മാധ്യമങ്ങളും മറ്റൊരിടത്ത്. ഇതിനിടയില്‍ പിടഞ്ഞ് തീരുകയാണ്​ വടക്കന്‍ കേരളത്തിലെ കുട്ടികളുടെ വിലാപങ്ങളത്രയും.

134 സ്​കൂള്‍ വന്ന വ‍ഴി

കേരളത്തിന്‍റെ തെക്ക്‌-വടക്ക്‌ മേഖലകളില്‍ നിലനില്‍ക്കുന്ന വിവേചനത്തിന്‍റെ ആ‍ഴം വര്‍ഷങ്ങള്‍ നീണ്ട പോരാട്ടത്തിലൂടെ കണക്കുകള്‍ നിരത്തി ബോധ്യപ്പെടുത്തിയപ്പോ‍ഴാണ്​ ഭരണകൂടം സമീപകാലത്ത് ഈ ഭാഗത്തേക്ക്‌ മുഖം തിരിക്കുന്നത്​. ക‍ഴിഞ്ഞ എല്‍ഡിഎഫ്​ സര്‍ക്കാര്‍ ഇക്കാര്യത്തില്‍ ചെറിയ ചില നടപടികളെടുത്തുവെങ്കലും പ്ലസ്​ ടു വ്യാപകമാക്കിയ ഇ കെ നായനാര്‍ സര്‍ക്കാര്‍ വരുത്തിവച്ച അസന്തുലിതത്വം ഫലപ്രദമായി പരിഹരിക്കാനുള്ള മാന്യത എം എ ബേബിയും കാണിച്ചില്ല. അവരെ തടഞ്ഞുനിര്‍ത്തിയ സാമുദായികതാ പേടിയെ കൂടുതല്‍ ശക്തമായി പിന്തുടരുകയാണ്​ ഇപ്പോള്‍ കോണ്‍ഗ്രസും മുസ്ലിം ലീഗും ചെയ്യുന്നത്​. എറണാംകുളം മുതല്‍ കാസര്‍കോട്​ വരെ ജില്ലകളില്‍ പ്ലസ്​ ടു സീറ്റ്​ ആവശ്യമുള്ളതിനേക്കാള്‍ വളരെ കുറവാണെന്ന യാഥാര്‍ഥ്യം വിദ്യാഭ്യാസ വകുപ്പിന്​ സ്വന്തം കണക്കുകളില്‍ നിന്ന് ബോധ്യമായതാണ്​. ഇതിന്‍റെ അടിസ്ഥാനത്തില്‍ ഈ മേഖലയില്‍ പുതിയ ഹയര്‍സെക്കന്‍ററി സ്​കൂളുകള്‍ അനുവദിക്കാന്‍ ക‍ഴിഞ്ഞവര്‍ഷം യുഡിഎഫ്​ സര്‍ക്കാര്‍ തീരുമാനിച്ചു. എന്നാല്‍ ഇതിനെതിരെ സംഘടിതവും ആസൂÛതിതവുമായ പ്രചാരണങ്ങളാണ്​ ഒരുവിഭാഗം മാധ്യമങ്ങള്‍ അ‍ഴിച്ചുവിട്ടത്​. മലബാര്‍ വിരുദ്ധതയും അതിന്‍റെ ചുവടൊപ്പിച്ച് പ്രചരിപ്പിച്ച സാമുദായിക വിദ്വേഷവുമായിരുന്നു ഈ പ്രചാരണങ്ങളുടെ അടിത്തറ. പതിവുപോലെ സര്‍ക്കാര്‍ തീരുമാനം കോടതിയില്‍ ചോദ്യം ചെയ്യപ്പെട്ടെങ്കിലും, തീരുമാനം നടപ്പാക്കണമെന്ന് കോടതി വിധിച്ചു. എന്നാല്‍ പുതിയ സ്​കൂളുകള്‍ അനുവദികേണ്ടതില്ലെന്നാണ്​ യുഡിഎഫ്​ സര്‍ക്കാറെടുത്ത തീരുമാനം. യുഡിഎഫ്​ ഉപസമിതിയും മന്ത്രിസഭാ ഉപസമിതിയും തലപുകച്ച് കണ്ടെത്തിയ കാരണം സാമുദായിക സന്തുലനം തന്നെ. നേരത്തെയുണ്ടാക്കിയ അസന്തുലിതത്വം പരിഹരിക്കാന്‍ മറ്റുവ‍ഴികളില്ലെന്ന് അറിയാമായിരുന്നിട്ടും യുഡിഎഫ്​ പിന്‍വാങ്ങുകയായിരുന്നു. പകരം സംസ്ഥാനത്ത് എല്ലാ ജില്ലകളില്‍ നിന്നും പുതിയ അപേക്ഷ സ്വീകരിക്കാനും തീരുമാനിച്ചു. ഇതിനെതിരായ പരാതിയിലുണ്ടായ കോടതി വിധിയാണ്​ ഇപ്പോള്‍ സീറ്റ്​ ചര്‍ച്ച വീണ്ടും ചൂടുപിടിപ്പിച്ചത്​. സ്​കൂള്‍ ഇല്ലാത്ത എല്ലാ പഞ്ചായത്തിലും സ്​കൂള്‍ അനുവദിക്കണമെന്നാണ്​ വിധി. ഇത്​ Ûപാദശിക അസന്തുലിതത്വം ഉണ്ടാക്കുമെന്ന സര്‍ക്കാര്‍ വാദം കോടതി തളളിക്കളഞ്ഞു. ഇതോടെ 134 പഞ്ചായത്തുകളില്‍ പുതിയ സ്​കൂള്‍ അനുവദിക്കാന്‍ സര്‍ക്കാര്‍ നിര്‍ബന്ധിതമായി. ഏറെ വിവാദങ്ങള്‍ക്കൊടുവില്‍ സര്‍ക്കാര്‍ അനുവദിച്ച ഈ സ്​കൂളുകള്‍പോലും മലബാറിÓന്‍റ പ്രശ്​നങ്ങള്‍ക്ക്‌ അല്‍പം പോലും പരിഹാരമാകില്ല. എന്നിട്ടും ഇതിനായി രണ്ടുതവണ ചേര്‍ന്ന മന്ത്രിസഭായോഗം തീരുമാനമെടുക്കാന്‍ ക‍ഴിയാതെ പിരിഞ്ഞു. കോടതി വിധിയുള്ളതിനാല്‍ സ്​കൂള്‍ അനുവദിക്കുക എന്ന നിര്‍ബന്ധിതാവസ്ഥയില്‍ നിന്ന് രക്ഷപ്പെടാനുള്ള തന്ത്രങ്ങളാണ്​ പിന്നീട്​ സര്‍ക്കാര്‍ കേന്ദ്രങ്ങള്‍ ആസൂത്രണം ചെയ്​തത്​. ഈ ഗൂഡാലോചനയില്‍ വേവിച്ചെടുത്ത സീറ്റ്​ കണക്കുകളായിരുന്നു അന്തിമ തീരുമാനമടുത്ത മൂന്നാം മന്ത്രിസഭ ചേരുന്നതിന്​ തൊട്ടുമുമ്പായി ഏഷ്യാനെറ്റ്​, മാതൃഭൂമി, കൈരളി പീപ്പിള്‍, റിപ്പോര്‍ട്ടര്‍ എന്നീ വാര്‍ത്താ ചാനലുകള്‍ വ‍ഴി പുറത്തുവന്നത്​. ഇതുപിന്നെ കോണ്‍ഗ്രസ്​ മുഖപ്രത്രം ഏറ്റുപിടിക്കുകയും ചെയ്​തു. ഈ കണക്കുകളുടെ യാഥാര്‍ഥ്യം പരിശോധിച്ചാലറിയാം, വടക്കന്‍ കേരളം നേരിടുന്ന പ്രതിസന്ധിയുടെ ആ‍ഴവും പരപ്പും; അവര്‍ വേട്ടയാടപ്പെടുന്ന രീതികളും.

സര്‍ക്കാറിന്‍റെ പരിഹാരങ്ങള്‍

നാല്​ പരിഹാര മാര്‍ഗങ്ങളായിരുന്നു സംസ്ഥാന സര്‍ക്കാറിന്‍റെ പരിഗണനയിലുണ്ടായിരുന്നത്​. ഒന്ന്, ഇപ്പോള്‍ പ്രഖ്യാപിച്ച 134 സ്​കൂള്‍. നേരത്തെ നടപ്പാക്കിയ 20 ശതമാനം സീറ്റ്​ വര്‍ധനയാണ്​ രണ്ടാമത്തേത്​. നിലവിലുള്ള സ്​കൂളുകളില്‍ കൂടുതല്‍ ബാച്ച് അനുവദിക്കുകയും നിലവിലുള്ള ഹൈസ്​കൂളുകള്‍ അപ്​ഗ്രേഡ്​ ചെയ്യുകയുമാണ്​ മറ്റുവ‍ഴികള്‍. എന്നാല്‍ ഈ നാല്​ പോംവ‍ഴികള്‍കൊണ്ടും പരിഹരിക്കാവുന്നതല്ല നിലവിലെ പ്രതിസന്ധി. സംസ്ഥാനത്ത് ഇത്തവണ 5,12,000 വിദ്യാര്‍ഥികളാണ്​ പ്ലസ്​ വണിന്​ അപേക്ഷിച്ചത്​. അതില്‍ 25,000ല്‍ അധികം അപേക്ഷ സാങ്കേതിക കാരണങ്ങളാല്‍ വിവിധ ജില്ലകളിലായി നിരസിക്കപ്പെട്ടു. അവശേഷിക്കുന്ന 4,87,366 അപേക്ഷര്‍ക്കായി സംസ്ഥാനത്ത് നിലിവിലുള്ളത്​ 3,26,980 പ്ലസ്​ വണ്‍ സീറ്റുകള്‍. 1,60,386 വിദ്യാര്‍ഥികള്‍ പ്രവേശ നടപടിയുടെ Ûപാഥമിക ഘട്ടം പോലുമെത്താതെ പുറന്തള്ളപ്പെട്ടു. സ്​കൂള്‍ ഇല്ലാത്ത പഞ്ചായത്തുകളില്‍ ഹയര്‍സെക്കന്‍ററി അനുവദിച്ചാല്‍ മാത്രം ഇതിന്​ പരിഹാരമാകില്ല. സംസ്ഥാനത്ത് ആകെയുള്ളത്​ 770 സര്‍ക്കാര്‍ സ്​കൂളടക്കം 1,452 ഹയര്‍സെക്കന്‍ററികളാണ്​. ഇവിവടെയെല്ലാം അധിക ബാച്ച് അനുവദിക്കാന്‍ തീരുമാനിച്ചാല്‍ പോലും പുറത്തുനില്‍ക്കുന്നവരെ മു‍ഴുവന്‍ ഉള്‍കൊള്ളണമെങ്കില്‍ 1,203 ബാച്ച് പുതുതായി വേണം. ഇതിനാവശ്യമായ അടിസ്ഥാന സൗകര്യമുള്ള സ്​കൂളുകള്‍ സംസ്ഥാനത്ത് നന്നേ കുറവാണ്​. മലപ്പുറം ജില്ലയില്‍ 154 സ്​കൂളുകളില്‍ അമ്പതില്‍ അധികം സ്ഥാപനങ്ങള്‍ പുതിയ ബാച്ചിന്​ അപേക്ഷിച്ചിട്ടുപോലുമില്ല.


20 ശതമാനം സീറ്​] വര്‍ധന

ഒരു ക്ലാസില്‍ 50ല്‍ അധികം കുട്ടികള്‍ പാടില്ലെന്ന വിദഗ്​ദ സമിതി ശിപാര്‍ശ നടപ്പാക്കാന്‍ സര്‍ക്കാര്‍ തീരുമാനിച്ചിരുന്നു. ഇതിന്‍റെ ഭാഗമായാണ്​ എല്ലാ കൊല്ലവും പ്രവേശം തുടങ്ങിയാല്‍ പതിവുള്ള 20 ശതമാനം സീറ്റ്​ വര്‍ധന ഇക്കൊല്ലം മുതല്‍ നടപ്പാക്കേണ്ടെന്ന് തീരുമാനിച്ചത്​. എന്നാല്‍ പ്രവേശ പ്രതിസന്ധി രൂക്ഷമായതോടെ സര്‍ക്കാര്‍ ഈ തീരുമാനം പിന്‍വലിച്ചു. ഇതോടെ 65,396 സീറ്റുകള്‍ കൂടി അധികം വന്നു. ഒന്നാം വര്‍ഷ പ്രവേശത്തിന്‍റെ ആദ്യ അലോട്ടമെന്‍റുകള്‍ പൂര്‍ത്തിയായ ശേഷമാണ്​ സീറ്റ്​ വര്‍ധന നടപ്പാക്കിയത്​. സംസ്ഥാനം നേരിടുന്ന ഉപരി പഠന പ്രതിസന്ധി ഈ സീറ്റ്​ വര്‍ധന കൊണ്ടും പരിഹരിക്കപ്പെടില്ല. അതേസമയം തന്നെ, പുറത്തുനില്‍ക്കുന്ന 1.60 ലക്ഷം വിദ്യാര്‍ഥികളില്‍ നിന്ന് 65,396 പേരെക്കൂടി സ്​കൂളില്‍ എത്തിക്കാന്‍ ഇതുവ‍ഴി സാധിക്കും. അപ്പോ‍ഴും 96,983 അപേക്ഷകര്‍ക്ക്‌ മുന്നില്‍ കൈമലര്‍ത്താനേ സര്‍ക്കാറിന്​ ക‍ഴിയൂ. പത്താം തരം ക‍ഴിഞ്ഞവര്‍ക്ക്‌ ഉപരി പഠന സാധ്യതയുള്ള പോളി ടെക്​നിക്​, വൊക്കേഷണല്‍ ഹയര്‍സെക്കന്‍ററികളാണ്​ ഇവരുടെ മുന്നിലുള്ള ഒരു വ‍ഴി. പോളികളില്‍ സംസ്ഥാനത്ത് ആകെയുള്ളത്​ 9,740 സീറ്റ്​ മാത്രം. വി.എച്ച്.എസ്​.ഇകളില്‍ 27,300 സീറ്റും. ആകെ 37,040 സീറ്റ്​. ഇവയെല്ലാം കണക്കാക്കിയാല്‍ പോലും 59,943 കുട്ടികള്‍ പുറത്തുതന്നെ നില്‍ക്കേണ്ടി വരും. (പട്ടിക കാണുക). നിരസിക്കപ്പെട്ട അപേക്ഷകള്‍ കൂടി പരിഗണിച്ചാല്‍ കുട്ടികളുടെ എണ്ണം 83,460 ആയി ഉയരും. ഇതില്‍ മലപ്പുറത്ത് പുറത്തുനില്‍ക്കുന്നവര്‍ 20,166ഉം കോ‍ഴിക്കോട്​ 10,043ഉം ആയി മാറും. ഈ യാഥാര്‍ഥ്യം മറച്ചുവച്ചാണ്​ കോണ്‍ഗ്രസിനൊപ്പം, വാര്‍ത്താ ചാനലുകള്‍ സീറ്റ്​ ബാക്കിയിരിക്കുന്നു എന്ന കഥ മെനഞ്ഞത്​. അതിന്​ അവ ആധാരമാക്കിയത്​ 20 ശതമാനം വര്‍ധന നടപ്പാക്കിയപ്പോള്‍ ലഭിച്ച അധിക സീറ്റിന്‍റെ കണക്കും.

ജില്ലകളിലെ അസന്തുലിതത്വം

സംസ്ഥാനം ഇത്ര രൂക്ഷമായ പ്രതിസന്ധി നേരിടുമ്പോ‍ഴും മൂന്ന് ജില്ലകളില്‍ അപേക്ഷകരേക്കാള്‍ കൂടുതല്‍ ഉപരി പഠന സാധ്യത നിലനില്‍ക്കുന്നുവെന്ന് വിദ്യാഭ്യാസ വകുപ്പിന്‍റെ കണക്കുകളില്‍ നിന്ന് വ്യക്തമാണ്​. ഇടുക്കി, കോട്ടയം, പത്തനംതിട്ട ജില്ലകള്‍. ഈ അസന്തുലിതത്വം സൃഷ്ടിച്ച ഇകെ നായനാര്‍ സര്‍ക്കാറിലെ വിദ്യാഭ്യാസ മന്ത്രി പിജെ ജോസഫായിരുന്നു എന്ന് ഓര്‍ക്കുമ്പോ‍ഴാണ്​ വിവേചനത്തിലെ രാഷ്ട്രീയം വ്യക്തമാകുക. അതേ ജോസഫുകൂടി ഇരിക്കുന്ന മന്ത്രിസഭയില്‍, അദ്ദേഹത്തിന്‍റെ പാര്‍ട്ടിയും അവരുടെ കൈയിയലുള്ള ധനവകുപ്പുമാണ്​ ഈ പ്രതിസന്ധി പരിഹരിക്കാന്‍ ഏറ്റവുമേറെ തടസ്സം നില്‍ക്കുന്നത്​ എന്നതും അത്ര നിസ്സാരമല്ല. ഇവരുടെ രാഷ്ട്രീയ നീക്കങ്ങള്‍ക്ക്‌ കോണ്‍ഗ്രസിÓന്‍റ പിന്തുണയുമുണ്ട്. ബാര്‍ ലൈസന്‍സ്​ വിവാദത്തില്‍ വി എം സുധീരനെ പിന്തുണച്ച മുസ്ലിം ലീഗിനോടുള്ള കൊതിക്കെറുവും ഇതിന്​ പിന്നിലുണ്ടെന്നാണ്​ അധികാര കേന്ദ്രങ്ങളിലെ അണിയറച്ചര്‍ച്ച. ഇതുപക്ഷെ വടക്കന്‍ കേരളത്തിലെ ആയിരക്കണക്കിന്​ കുട്ടികളുടെ ഭാവിയെയാണ്​ ഇരുട്ടിലാക്കിയത്​.
പട്ടിക പരിശോധിച്ചാല്‍ ഓരോ ജില്ലകളിലെയും സ്ഥിതിവിവരക്കണക്ക്‌ മനസ്സിലാക്കാം. ഇപ്പോള്‍ ലഭ്യമായ മു‍ഴുവന്‍ സീറ്റിനേക്കാള്‍ 16,784 അപേക്ഷകരാണ്​ മലപ്പുത്ത് കൂടിതലുള്ളത്​. പാലക്കാട്​ 9,796 പേരും കോ‍ഴിക്കോട്​ 7,608 പേരും കൂടുതല്‍. അതേസമയം പത്തനംതിട്ടയില്‍ 1267 സീറ്റ്​ കൂടുതലുണ്ട്. ഇടുക്കിയില്‍ 185ഉം കോട്ടയത്ത് 541ഉം സീറ്റ്​ അധികമാണ്​. ഈ സീറ്റ്​ ലഭ്യതയുടെ അടിസ്ഥാനത്തിലാണ്​ ഓരോ ജില്ലയിലും ആവശ്യമായ ബാച്ചുകളുടെ എണ്ണം കണക്കാക്കുന്നത്​. മൂന്ന് ജില്ലകളില്‍ ഒറ്റ അധിക ബാച്ചും വേണ്ട. എന്നാല്‍ മലപ്പുറത്ത് 336 ബാച്ച് ഉണ്ടായാല്‍ മാത്രമേ അവിടെ പുറത്തുനില്‍ക്കുന്ന മു‍ഴുവന്‍ കുട്ടികള്‍ക്കും പഠിക്കാന്‍ അവസരം ലഭിക്കൂ. പാലക്കാട്​ 196 ബാച്ചും കോ‍ഴിക്കോട്​ 153 ബാച്ചും പുതുതായി വേണം.
ഇത്രയും ബാച്ച് അനുവദിക്കാന്‍ സംസ്ഥാനത്ത് ആകെ ലഭ്യമായ സര്‍ക്കാര്‍, എയിഡഡ്​ സ്​കൂളുകളുടെ എണ്ണം 1452 ആണ്​. ഇതില്‍ തിരുവനന്തപുരത്ത് വേണ്ടത്​ വെറും 47 ബാച്ചാണ്​. ഇവിടെ 120 സ്​കൂള്‍ ലഭ്യമാണ്​. കൊല്ലം, ആലപ്പു‍ഴ, എറണാംകുളം, തൃശൂര്‍, കണ്ണൂര്‍, കാസര്‍കോട്​ ജില്ലകളില്‍ ആവശ്യമായ ബാച്ചുകളേക്കാള്‍ അധികം സ്​കൂളുകള്‍ ധാരാളമുണ്ട്. 45 ബാച്ച് വേണ്ട വയനാട്ടില്‍ അത്രതന്നെ സ്​കൂളുകളുമുണ്ട്. എന്നാല്‍ പാലക്കാട്​, മലപ്പുറം, കോ‍ഴിക്കോട്​ ജില്ലകളില്‍ ആവശ്യമായ ബാച്ചുകളേക്കാള്‍ കുറവാണ്​ സ്​കൂളുകളുടെ എണ്ണം. 336 ബാച്ചുവേണ്ട മലപ്പുറത്ത് ആകെയുള്ളത്​ വെറും 154 സ്​കൂള്‍ മാത്രം. കോ‍ഴിക്കോട്​ 131 സ്​കൂളും പാലക്കാട്​ 112 സ്​കൂളും. ഈ ജില്ലകളില്‍ വേണ്ടത്​ യഥാക്രമം 153, 196 ബാച്ചുകള്‍. പുതിയ ബാച്ച് അനുവദിക്കാന്‍ മതിയായ സ്​കൂളുകള്‍ പോലുമില്ല എന്നത്​ മലബാര്‍ വിവേചനം കാലങ്ങളായി കേരളം പിന്തുടരുന്ന പൊതുസമീപനമാണെന്ന വിമര്‍ശത്തിന്​ അടവരയിടുന്നതാണ്​.

എല്ലാ പഞ്ചായത്തിലും സ്​കൂള്‍

ഹയര്‍സെക്കന്‍ററികളില്ലാത്ത 134 പഞ്ചായത്തുകളില്‍ സ്​കൂള്‍ അനുവദിക്കാനാണ്​ ഇപ്പോള്‍ സംസ്ഥാന സര്‍ക്കാര്‍ തീരുമാനിച്ചിരിക്കുന്നത്​. എന്നാല്‍ സ്​കൂളുകളില്ലാത്ത പഞ്ചായത്തുകള്‍ ഏറ്റവുമധികമുള്ളത്​ നിലവില്‍ ഉപരിപഠന സൗകര്യം വേണ്ടത്രയുള്ള തെക്കന്‍ ജില്ലകളിലാണ്​. ഇപ്പോള്‍ തന്നെ 541 സീറ്റ്​ അധികമുള്ള കോട്ടയത്ത് 14 പഞ്ചായത്തുകളിലാണ്​ പുതിയ സ്​കൂള്‍ വരുന്നത്​. ഒരു സ്​കൂളില്‍ മൂന്ന് ബാച്ച് വീതം അനുവദിച്ചാല്‍ 2,520 സീറ്റ്​ കൂടി കോട്ടയത്തിന്​ കിട്ടും. ഇവിടെ പഠിക്കാന്‍ എവിടെനിന്ന് കുട്ടികളെ കണ്ടെത്തുമെന്ന് സര്‍ക്കാര്‍ തന്നെ സര്‍ക്കുലര്‍ ഇറക്കേണ്ടി വരും. ഇടുക്കിയിലും (11 പഞ്ചായത്ത്), പത്തനംതിട്ടയിലും (17 പഞ്ചായത്ത്)ഇതുതന്നെയാണ്​ അവസ്ഥ. കേരള കോണ്‍ഗ്രസിന്‍റെ ശക്തി കേന്ദ്രങ്ങളില്‍ മുന്‍ സര്‍ക്കാറുകള്‍ ഹയര്‍സെക്കന്‍ററികള്‍ വാരിക്കോരി കൊടുത്തപ്പോള്‍ അതില്‍ മിനിമം സൂക്ഷിക്കേണ്ട സാമാന്യ മര്യാദപോലും പാലിച്ചില്ലെന്നാണ്​ സ്​കൂളുകള്‍ ഇല്ലാത്ത പഞ്ചായത്തുകളുടെ എണ്ണം ഈ ജില്ലകളില്‍ ഇത്രയേറെ ഉണ്ടായതില്‍ നിന്ന് വ്യക്തമാകുന്നത്​. 2,324 കുട്ടികള്‍ മാത്രം അധികമുള്ള തിരുവനന്തപുരത്ത് 15 പഞ്ചായത്തില്‍കൂടി സ്​കൂള്‍ വരും. കൊല്ലത്ത് 13ഉം ആലപ്പു‍ഴ 19ഉം. നാലായിരത്തിലധികം കുട്ടികള്‍ പുറത്തുനില്‍ക്കുന്ന എറണാംകുളത്ത് പുതിയ 24 സ്​കൂളും തൃശൂരില്‍ 5 സ്​കൂളും പുതുതായി വരും. എറണാംകുളം മുതല്‍ വടക്കന്‍ ജില്ലകളില്‍ സ്​കൂളുകള്‍ അപ്​ഗ്രേഡ്​ (8 മുതല്‍ 19 വരെ സ്​കൂളുകള്‍)ചെയ്യുന്നുമുണ്ട്. പുതിയ സ്​കൂളുകളില്‍ മൂന്നോ-നാലോ ബാച്ച് വീതം അനുവദിക്കുന്നതോടെ എട്ട് ജില്ലകളിലെ ഉപരി പഠന പ്രതിസന്ധി ഏറെക്കുറെ പരിഹരിക്കപ്പെടും. നിലവിലെ സ്​കൂളുകളില്‍ ഏതാനും ബാച്ചുകള്‍ കൂടി അനുവദിക്കുക വ‍ഴി ഇവിടെ അവശേഷിക്കുന്ന പ്രതിസന്ധിയും മറികടക്കാനാകും. എന്നാല്‍ ഇതുകൊണ്ടും തീരില്ല മലപ്പുറം, കോ‍ഴിക്കോട്​, പാലക്കാട്​ ജില്ലകളിലെ പ്രതിസന്ധി. സ്​കൂള്‍ ഇല്ലാത്ത പഞ്ചായത്ത് എന്ന ഏക മാനദണ്ഡം മാത്രം ആധാരമാക്കുകയും സ്​കൂള്‍ അനുവദിക്കുന്നതിന്​ അടിസ്ഥാനപരമായി പരിഗണിക്കേണ്ട വിദ്യാര്‍ഥികളുടെ എണ്ണം, നിലവിലെ സീറ്റ്​ ലഭ്യത, ജില്ലയിലെ ജനസംഖ്യ തുടങ്ങിയ ഘടകങ്ങള്‍ ബോധപൂര്‍വം ഒ‍ഴിവാക്കുകയും ചെയ്​തതിലൂടെയുണ്ടായ അശാസ്ത്രീയതയാണ്​ ഇത്രയേറെ സ്​കൂളുകള്‍ അനുവദിച്ചിട്ടും ചില ജില്ലകളില്‍ പ്രതിസന്ധി രൂക്ഷമായി തന്നെ തുടരുന്നതിന്​ കാരണം.

വേണം, പ്രത്യേക പാക്കേജ്​

മലപ്പുറത്തും കോ‍ഴിക്കോടും രണ്ടു പഞ്ചായത്ത് വീതവും പാലക്കാട്​ അഞ്ച് പഞ്ചായത്തുമാണ്​ ഇനിയും സ്​കൂള്‍ ഇല്ലാത്ത സ്ഥലങ്ങള്‍. നിലവിലുള്ള സ്​കൂള്‍ അപ്​ഗ്രഡേഷന്​ പരിഗണിക്കുന്നത്​ മലപ്പുറത്ത്19, കോ‍ഴിക്കോട്​ 15, പാലക്കാട്​ 9. ഇങ്ങനെ മലപ്പുറത്ത് ആകെ പുതുതായി വരുന്നത്​ 21 സ്​കൂള്‍ മാത്രം. എന്നാല്‍ ജില്ലയില്‍ ഇപ്പോള്‍ പുറത്തുനില്‍ക്കുന്നത്​ 16,784 കുട്ടികളാണ്​. പുതിയ സ്​കൂളുകളില്‍ മൂന്ന് ബാച്ച് വീതം അനുവദിച്ചാല്‍ 3,250 സീറ്റാണ്​ ഇവിടെ അധികം കിട്ടുക. അപ്പോ‍ഴും 13,534 പേര്‍ സ്​കൂളിന്‍റെ പടിക്ക്‌ പുറത്തുതന്നെ നില്‍ക്കണം. കോ‍ഴിക്കോട്​ ആകെ 17 സ്​കൂളാണ്​ പുതുതായി കിട്ടുക. പുറത്തുനില്‍ക്കുന്നവര്‍ 7,608. ഇവിടെ അധികം ലഭിക്കുന്നത്​ 2,550 സീറ്റ്​. 5,058 പേര്‍ പുറത്തുതന്നെ.  14 സ്​കൂള്‍ മാത്രം ലഭിച്ച പാലക്കാട്​ ഇപ്പോള്‍ തന്നെ 9,796 കുട്ടികള്‍ പുറത്താണ്​. പുതിയ സീറ്റുകള്‍ കൂടി പരിഗണിച്ചാലും 7,696 പേര്‍ പുറത്തു നില്‍ക്കണം. നിരസിക്കപ്പെട്ട അപേക്ഷകരെക്കൂടി പരിഗണിച്ചാല്‍ എണ്ണം ഇനിയും ഉയരും.
ഈ കണക്കനുസരിച്ച് പ്രതിസന്ധി മറികടക്കാന്‍ മലപ്പുറത്ത് മാത്രം 311 ബാച്ച് വേണം. കോ‍ഴിക്കോട്​ 102ഉം പാലക്കാട്​ 154ഉം ബാച്ചുകള്‍ അനുവദിക്കണം. എന്നാല്‍ മലബാറില്‍ ആകെ 200ല്‍ താ‍ഴെ ബാച്ച് അനുവദിക്കുക എന്നതാണ്​ ഇപ്പോള്‍ സര്‍ക്കാര്‍ പരിഗണിക്കുന്ന നിര്‍ദശം. ഭരണ മുന്നണിയിലെ രാഷ്ട്രീയ താല്‍പര്യങ്ങള്‍ക്ക്‌ വിധേയമായാണ്​ സര്‍ക്കാര്‍ ബാച്ച് എണ്ണം പരിമിതപ്പെടുത്തുന്നത്​. എന്നാല്‍ ഇത്രയെറെ ബാച്ച് അനുവദിക്കാനുള്ള അടിസ്ഥാന സൗകര്യം ഈ ജില്ലകളിലെ സ്​കൂളുകളില്‍ ഇല്ല എന്നതും യാഥാര്‍ഥ്യമാണ്​. വിദ്യാര്‍ഥി സാന്ദ്രത അടിസ്ഥാനമാക്കി ആവസ്യമുളളിടങ്ങളില്‍ പുതിയ സ്​കൂളുകള്‍ സ്ഥാപിക്കുകയെന്നതാണ്​ ഇതിനുള്ള ഏക പോംവ‍ഴി. അത്​ സര്‍ക്കാര്‍ മേഖലയില്‍ തന്നെ ആരംഭിക്കണം. അതുവരെ പൊതുവിദ്യാഭ്യാസ സംവിധാനത്തിന്​ പുറത്തിനില്‍ക്കേണ്ടി വരുന്നവരുടെ പഠനം സര്‍ക്കാര്‍ ഉറപ്പാക്കണം. പതിനായിരങ്ങള്‍ മുടക്കി സ്വാശ്രയ സ്​കൂളുകളില്‍ പഠിക്കാന്‍ നിര്‍ബന്ധിതരാക്കപ്പെടുന്ന വിദ്യാര്‍ഥികളുടെ പഠനച്ചിലവ്​ സര്‍ക്കാര്‍ ഏറ്റെടുക്കുണം. കുട്ടികളുടെ Ûപാഥമിക പഠനം ഉറപ്പാക്കാന്‍ ഇത്തരത്തില്‍ സ്വാശ്രയ ഫീസ്​ സര്‍ക്കാര്‍ നല്‍കുന്നതിന്​  വിദ്യാഭ്യാസ അവകാശ നിയമം തന്നെ വ്യവസ്ഥ ചെയ്യുന്നുണ്ട്. ഇങ്ങനെ മലബാര്‍ മേഖലയിലെ പ്രശ്​നങ്ങള്​ക്ക്‌ ദീര്‍ഘകാല പദ്ധതിയും അടിയന്തിര Ûപാധാന്യമുള്ളവക്ക്‌ താല്‍ക്കാലിക പരിഹാരവും ഉറപ്പുവരുത്തുന്ന പ്രത്യേക പാക്കേജിന്​ സര്‍ക്കാര്‍ രൂപം നല്‍കണം. അതല്ലാതെ വ്യാജ കണക്കുകള്‍കാട്ടിയും സാമുദായികത പറഞ്ഞ് ഭീഷണിപ്പെടുത്തിയും പാതി കേരളത്തെ വേട്ടയാടുന്നവര്‍ക്ക്‌ മുന്നില്‍ പതിവുപോലെ നിശ്ശബ്ദരായാല്‍ അതിന്‍റെ പ്രത്യാഘാതം ചെറുതായിരിക്കില്ലെന്ന് മലബാറില്‍ നിന്ന് ജയിച്ചുപോയി ഭരിക്കാനിരിക്കുന്നവരെങ്കിലും ഓര്‍ക്കുന്നത്​ നന്ന്.

(മാധ്യമം...19&20-July-2014) 

പലായകരുടെ പറുദീസ

ധരംശാലയെന്നാൽ അഭയസ്ഥാനമെന്നാണർഥം. നൂറ്റാണ്ടുകൾക്ക് മുമ്പ് ധൗലാധർ മലനിരകളുടെ അടിവാരത്ത് വിജനമായിക്കിടന്നിരുന്ന ഒരു പച്ചത്തുരുത്ത് ഇപ്പോൾ അക്ഷ...